ԱՄՆ-Վրաստան հարաբերությունները կդիմանան ցանկացած քաղաքական ընտրության. դեսպան Դաննիգան

«Ես իսկապես հավատում եմ, որ անկախ նրանից, թե ինչ տեղի կունենա Վրաստանի ընտրություններում կամ ԱՄՆ ընտրություններում, Վրաստանի և Միացյալ Նահանգների ժողովրդի հարաբերությունները, մեր ընկերությունների հարաբերությունները, մեր համալսարանների, բիզնեսների, վերլուծական կենտրոնների, հաստատությունների, զինվորականների և իրավապահ մարմինների միջև հարաբերությունները, բոլոր այս հարաբերությունները կդիմանան ցանկացած քաղաքական ընտրության, անկախ նրանից, թե ինչ արդյունք կլինի ցանկացած երկրում: Սա է իմ առանձնահատուկ հպարտության պատճառը, որ ներկայացնում եմ ԱՄՆ-ն այստեղ»,- ասել է դեսպանը Թբիլիսիում Ամերիկայի Առևտրի պալատի կողմից կազմակերպված US election watch breakfast-ի ժամանակ։

Ռոբին Դաննիգանի խոսքով՝ ինքը կարծում է, որ երկու երկրների հարաբերությունները կդիմանան քաղաքական փոփոխություններին ու քաղաքական տրամադրություններին։

Ամերիկայի Միացյալ Նահանգներում կայացած նախագահական ընտրություններում առաջատար է Հանրապետական ​​կուսակցության թեկնածու Դոնալդ Թրամփը։ Նա արդեն հայտարարել է իր հաղթանակի մասին և շնորհակալություն է հայտնել ամերիկացի ժողովրդին իրեն Միացյալ Նահանգների 47-րդ նախագահ ընտրելու առանձնահատուկ պատվի համար։