საქართველოში ამერიკის შეერთებული შტატების ელჩის, რობინ დანიგანის განცხადებით, საქართველოსა და აშშ-ში არჩევნების შედეგების მიუხედავად, ხალხებს შორის მეგობრული ურთიერთობა არ შეიცვლება.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 5 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 6 სპეცრაზმი რუსთაველის გამზირზე აქციის მონაწილეებს არბევს
„მე ნამდვილად მჯერა, რომ რაც არ უნდა მოხდეს საქართველოს არჩევნებში ან აშშ-ის არჩევნებში, საქართველოსა და შეერთებული შტატების ხალხებს შორის ურთიერთობა, ურთიერთობა ჩვენი კომპანიებს შორის, ურთიერთობა ჩვენს უნივერსიტეტებს, ბიზნესს, ანალიტიკურ ცენტრებს, ინსტიტუტებს, სამხედროებს, სამართალდამცავ ორგანოებს შორის - ყველა ეს ურთიერთობა გაუძლებს ნებისმიერ პოლიტიკურ არჩევნებს, რა შედეგიც არ უნდა მოჰყვეს მას რომელიმე ქვეყანაში. სწორედ ეს არის ჩემი განსაკუთრებული სიამაყის მიზეზი, წარმოვადგენდე აშშ-ს აქ“, - განაცხადა ელჩმა თბილისში, ამერიკული სავაჭრო პალატის მიერ ორგანიზებულ მიღებაზე „US election watch breakfast“.
რობინ დანიგანის თქმით, სწამს, რომ ორ ქვეყანას შორის ურთიერთობები გაუძლებს პოლიტიკურ ცვლილებებსა და პოლიტიკურ განწყობებს.
ამერიკის შეერთებულ შტატებში გამართულ საპრეზიდენტო არჩევნებში რესპუბლიკური პარტიის კანდიდატი დონალდ ტრამპი ლიდერობს. მან გამარჯვება უკვე გამოაცხადა და ამერიკელ ხალხს შეერთებული შტატების 47-ე პრეზიდენტად არჩევის განსაკუთრებული პატივისთვის მადლობა გადაუხადა.
