«Մենք այստեղ ենք՝ հայտնելու մեր աջակցությունը Մոլդովայի Հանրապետությանը, Ուկրաինային և ավելի լայն եվրոպական հանրությանը»,- լրագրողներին ասել է Եվրախորհրդարանի նախագահ Ռոբերտա Մեցոլան՝ Մոլդովայում Եվրոպական քաղաքական միության (EPC) երկրորդ գագաթնաժողովի մեկնարկից առաջ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 4 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 5 Ժամը 17:00-ի դրությամբ ընտրողների մասնակցությունը 50,06 տոկոս է
- 6 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
Վրաստանին Եվրամիության թեկնածու երկրի կարգավիճակ տալու վերաբերյալ Եվրախորհրդարանի դիրքորոշման հարցին ի պատասխան՝ Մեցոլան ասել է, որ անհրաժեշտ է բարեփոխումներ իրականացնել։
«Ինչպես երեկ ես ասացի Վրաստանի նախագահի հետ միասին, որը ելույթ ունեցավ Բրյուսելում խորհրդարանի լիագումար նիստում, մենք անհամբեր սպասում ենք Վրաստանի հեռանկարին Եվրամիությունում։ Պետք է բարեփոխումներ իրականացնել, պատասխանել հարցերին և ակնկալել մեկնաբանություններ, բայց բարեփոխումները ճանապարհին են, և ես հավատում եմ Վրաստանի և վրաց ժողովրդի ուղուն ու հեռանկարին»,- ասել է Մեցոլան։
Նրան հարցրել են նաև Մոլդովայի եվրաինտեգրման մասին։ Ինչպես նշել է Եվրախորհրդարանի նախագահը, այն փաստը, որ գագաթնաժողովն անցկացվում է Մոլդովայում, ոչ միայն ցույց է տալիս նրա հանդեպ աջակցությունը, այլև Եվրամիության հանձնառությունը, որն առաջացել է Մոլդովային թեկնածուի կարգավիճակ շնորհելուց հետո։
«Եվրախորհրդարանին անդամակցելու բանակցությունները պետք է սկսվեն արդեն այս տարի։ Մենք տպավորված ենք, թե ինչպես է Մոլդովան արձագանքել Եվրահանձնաժողովի հանձնարարականներին և շարունակում է իր աշխատանքը: Մենք պատրաստ կլինենք, երբ Մոլդովան պատրաստ լինի, քանի որ Մոլդովայի տեղը ԵՄ-ում է»։
Ասոցացված եռյակի անդամները՝ Ուկրաինան, Մոլդովան և Վրաստանը Եվրամիությանն անդամակցելու հայտ են ներկայացրել 2022 թվականի մարտին։ Վրաստանը ծրագրում էր դա անել 2024 թվականին, սակայն գործընթացն արագացավ այն բանից հետո, երբ Ուկրաինան, ռուսական ներխուժման պատճառով, խնդրեց արագացված կերպով միանալ Եվրամիությանը։
2022 թվականի հունիսին Եվրոպական խորհուրդը Ուկրաինային և Մոլդովային շնորհեց անդամակցության թեկնածուի կարգավիճակ, իսկ Վրաստանի դեպքում ճանաչեց միայն երկրի եվրոպական հեռանկարը։ Բացի այդ, Եվրահանձնաժողովը հանձնարարականներ է տվել բոլոր երեք երկրներին՝ նախքան անդամակցության գործընթացի հաջորդ փուլին անցնելը։
Եվրամիությունը պատրաստ է Վրաստանին տալ թեկնածու երկրի կարգավիճակ այն բանից հետո, երբ երկիրը կկատարի 12 հանձնարարականները/առաջնահերթությունները։ Առաջարկությունները ներառում են ապաօլիգարխացում, քաղաքական բևեռացման վերացում, դատական բարեփոխումների իրականացում, հակակոռուպցիոն ծառայության ուժեղացում և լրատվամիջոցների միջավայրի բարելավում։ Եվրահանձնաժողովը կնախապատրաստի իր գնահատականը Վրաստանի կողմից առաջարկությունների կատարման վերաբերյալ այս տարվա աշնանը և հանձնարարականը կուղարկի Եվրոպական խորհրդին, որն այն մարմինն է, որը վերջնական որոշում է կայացնում կարգավիճակի վերաբերյալ: Լիիրավ անդամակցության համար պաշտոնական բանակցությունների գործընթացը սկսվում է երկրին թեկնածուի կարգավիճակ շնորհելուց հետո:
