Առողջապահության նախարարությունը տարբեր ժամկետներով կասեցրել է 11 բժիշկների պետական սերտիֆիկատների վավերականությունը։ Որոշումն ընդունվել է Մասնագիտական զարգացման խորհրդի նիստում, որտեղ քննարկվել են Բժշկական և դեղագործական գործունեությունը կարգավորող գործակալության կողմից ուսումնասիրված 5 հարցեր և քննարկվել 14 բժիշկների մասնագիտական պատասխանատվությունը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Առողջապահության նախարարությունը չի հրապարակում այն բժիշկների անունները, որոնց հանդեպ աշխատանքի իրավունքի դադարեցման որոշում է կայացվել:
«Մասնագիտական զարգացման խորհուրդը ապահովում է բժիշկների մասնագիտական գործունեության խորքային և մանրամասն ուսումնասիրություն։ Նկատի է առնում հիվանդին մատուցվող բժշկական ծառայությունների որակը, բուժանձնակազմի հնարավոր սխալ վարքագիծը, մասնագիտական պարտականությունները և հիվանդի նկատմամբ անազնիվ/ոչ էթիկական, ոչ պատշաճ վերաբերմունքի դեպքերը»,- ասում են նախարարությունում։
Նախարարության տվյալներով՝ 2022 թվականին խորհրդի անդամները քննարկել են 387 բժիշկների մասնագիտական պատասխանատվությունը և տարբեր պատժամիջոցներ կիրառել 266 բժիշկների նկատմամբ։ Դրանցից 70 բժիշկների աշխատանքի իրավունքը տարբեր ժամկետներով դադարեցվել է, իսկ վեցի պետական սերտիֆիկատը՝ կասեցվել։
Մասնագիտական զարգացման խորհուրդը հավաքվում է շաբաթը մեկ անգամ և որոշումներ է կայացնում ձայների մեծամասնությամբ: Հաշվի առնելով հայտնաբերված խախտումները՝ խորհուրդն իրավասու է դադարեցնել բուժանձնակազմի աշխատանքի իրավունքը կամ օպտիմալ ժամկետով կասեցնել, կարգադրել նրանց մասնագիտական վերականգնողական կուրս անցնել և գրավոր նախազգուշացնել։
Բժիշկների կողմից խախտումների դեպքում կարող եք դիմել Բժշկական և դեղագործական գործունեությունը կարգավորող գործակալություն՝ Թբիլիսի, Ակ. Ծերեթելի պող. 144, 0322 51 00 11 (12-11) regagency@moh.gov.ge
