Վրաստանի արտաքին գործերի նախարարության 45 գործող աշխատակիցներ հանդես են գալիս համատեղ հայտարարությամբ, որով անհամաձայնություն են հայտնում «Վրացական երազանքի» որոշման հետ՝ դադարեցնելու երկիրը Եվրամիությանն անդամակցելու գործընթացը։ Նրանց կարծիքով՝ որոշումը հակասում է սահմանադրությանը և չի համապատասխանում երկրի ռազմավարական շահերին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
«Որպես դիվանագետներ՝ մեր հիմնական պարտականությունն է պաշտպանել Վրաստանի ազգային շահերը և հավատարիմ մնալ սահմանադրությանը։ Տարիների ընթացքում վրացական դիվանագիտությունը լիարժեք ջանքեր է գործադրել Վրաստանին ինտեգրելու եվրոպական և եվրատլանտյան կառույցներում, ինչը վրաց ժողովրդի կամքն ու պատմական ընտրությունն է։
Մինչև 2028 թվականը Վրաստանի կողմից ԵՄ անդամակցության բանակցությունները օրակարգից դուրս թողնելու մասին այսօրվա հայտարարությունը չի համապատասխանում երկրի ռազմավարական շահերին։
Եվրամիության ընդլայնման ալիքը, որը Վրաստանի համար եվրոպական ընտանիք վերադառնալու պատմական աննախադեպ հնարավորություն է, պայմանավորված է միջազգային քաղաքական իրադարձություններով։ Երկրի կողմից այդ հնարավորությունից միակողմանի հրաժարվելը կհանգեցնի բացասական ռազմավարական հետևանքների։ Բացի այդ, հնարավոր է, որ նմանատիպ բարենպաստ հանգամանք այլևս չստեղծվի եվրոպական ու եվրատլանտյան կառույցներին անդամակցելու առումով։
Բացի այդ, անդամակցության բանակցային գործընթացի դադարեցումը կհանգեցնի երկրի մեկուսացմանը։ Առանց արևմտյան գործընկերների աջակցության, Վրաստանը կմնա դեմ առ դեմ սպառնալիքների հետ, որոնք հատկապես սրվում են միջազգային և անվտանգության միջավայրում ընթացող գործընթացների ֆոնին։
Մենք կարծում ենք, որ մինչև 2028 թվականը ԵՄ անդամակցության բանակցությունների մեկնարկը քաղաքական օրակարգից հանելը հակասում է Վրաստանի սահմանադրության 78-րդ հոդվածի պահանջներին։
Մենք հավատարիմ ենք մնում Վրաստանի եվրոպական և եվրատլանտյան ինտեգրման կուրսին»,- ասում են ԱԳ նախարարության աշխատակիցները։
