ԵՄ արտաքին գործերի և անվտանգության քաղաքականության գերագույն ներկայացուցիչ Ջոզեֆ Բորելը Վրաստանի կառավարությանը կոչ է արել բարեփոխումներ իրականացնել, մեծացնել ԵՄ արտաքին քաղաքականության հետ համապատասխանությունը և ուժեղացնել հակաարևմտյան ապատեղեկատվության դեմ պայքարը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 3 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 4 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 5 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 6 Ընտրություններին եկած 2 076 791 ընտրողների բազան պետք է փոխանցվի չեզոք հարթակի․ Գախարիա
Ասոցացման խորհրդի նիստից հետո հրավիրված մամուլի ասուլիսում Ջոզեֆ Բորելը, դիմելով Վրաստանի վարչապետ Իրակլի Կոբախիձեին, նշել է, որ վերջինիս առաջին արտասահմանյան այցով Բրյուսել գալը ցույց է տալիս նրա լուրջ վերաբերմունքը Վրաստանի եվրոպական ուղու նկատմամբ։
«Մենք մտել ենք մեր ռազմավարական հարաբերությունների նոր փուլ... Ձեզ դժվար գործ է սպասվում։ Թեկնածու երկիր լինելը պահանջում է նոր մակարդակի ջանքեր, ինչպես նաև մեծացնում է իշխանության, ընդդիմության, քաղաքացիական հասարակության, բոլոր կուսակցությունների պատասխանատվությունը: Յուրաքանչյուր վրացի պետք է ներգրավված լինի բարեփոխումների իրականացման գործում»,- ասել է Ջոզեֆ Բորելը՝ նշելով, որ երեք ուղերձ ունի Վրաստանին.
«Առաջին հերթին պետք է արագացնել բարեփոխումները, այդ թվում՝ Ասոցացման համաձայնագրով նախատեսված բարեփոխումների իրականացումը, որպեսզի կատարեք Եվրահանձնաժողովի հանձնարարականի ինը քայլերը։ Դրա համար դուք ունեք ուժեղ քաղաքացիական հասարակություն, և կարևոր է, որ բոլորը, ինչպես ասացի, ներգրավված լինեն: Սա պահանջում է վճռական քայլեր՝ նվազեցնելու քաղաքական լարվածությունը։
Երկրորդ՝ Եվրամիությունը միություն է, որը հիմնված է ընդհանուր արժեքների և սկզբունքների վրա։ Այս հիմքը գնալով ավելի կարևոր է դառնում, քանի որ մենք ապրում ենք շատ բարդ և վտանգավոր աշխարհաքաղաքական համատեքստում: Մենք ողջունում ենք ձեր ռազմավարական ընտրությունը ԵՄ անդամակցության հարցում։ Մենք նշում ենք, որ մեր արտաքին և անվտանգության քաղաքականության որոշումներին համապատասխանությունն աճել է՝ փոքր-ինչ ավելացել է, բայց, ի վերջո, կա աճ։ Առաջիկա տարիներին սպասում ենք համապատասխանության զգալի աճի:
Մենք նաև անհանգստացած ենք Վրաստանում հակաարևմտյան ապատեղեկատվության և հռետորաբանության տարածմամբ և կոչ ենք անում կրկնապատկել ձեր ջանքերը՝ պայքարելու տեղեկատվական մանիպուլյացիայի և արտաքին միջամտության դեմ։ Մենք դա կտեսնենք ԵՄ առաջիկա ընտրություններում, միգուցե տեսնենք նաև ձեր ընտրություններում։
Եվ երրորդ՝ այս տարին Վրաստանի ժողովրդավարության համար կարևոր փորձություն է լինելու։ Ես սա կապում եմ ձեր ընտրական գործընթացի հետ։ Մենք ողջունում ենք մինչ այժմ իրականացված ընտրական բարեփոխումները և կոչ ենք անում դրանք ավարտին հասցնել մինչև հաջորդ ընտրություններ՝ հաշվի առնելով Վենետիկի հանձնաժողովի և ԺՀՄԻԳ-ի բոլոր համապատասխան առաջարկությունները՝ անցկացնելու ազատ, արդար և մրցակցային խորհրդարանական ընտրություններ»,- ասել է Ջոզեֆ Բորելը։
Եվրամիության բարձր ներկայացուցչի խոսքով՝ անցյալ տարվա սեպտեմբերին, երբ ինքը Վրաստանում էր, Թբիլիսիի փողոցներում ամենուր հանդիպել է Եվրամիության դրոշների, ինչը ցույց է տալիս Վրաստանի քաղաքացիների «հստակ նվիրվածությունը» Եվրամիությանը։
«Դուք պարտավորություն ունեք արդարացնել այդ ակնկալիքները, և մենք նաև պարտավոր ենք օգտագործել այս պատմական հնարավորությունը ձեզ հետ և ամրապնդել մեր ջանքերը՝ Վրաստանը Եվրամիության անդամ դարձնելու, ձեր կայունությունը բարձրացնելու համար՝ ձեր անկախության, ինքնիշխանության և տարածքային ամբողջականության նկատմամբ լիակատար հարգանքով»,- ասել է Բորելը։
Փետրվարի 20-ին Բրյուսելում կայացել է Վրաստան-ԵՄ Ասոցացման խորհրդի 8-րդ նիստը։ Նիստը նախագահում էր Ջոզեֆ Բորելը, վրացական պատվիրակությունը՝ վարչապետ Իրակլի Կոբախիձեն, Եվրահանձնաժողովը ներկայացնում էր Եվրոպական հարևանության քաղաքականության և ընդլայնման հարցերով եվրահանձնակատար Օլիվեր Վարհեյը։
