Վրաստանի Ազգային բանկը լարիի փոխարժեքը պահպանելու համար շարունակում է արտարժույթի վաճառքը։ Այսօր՝ հոկտեմբերի 23-ին, բանկը վաճառել է ևս 60 մլն ԱՄՆ դոլար։ Արդյունքում դոլարի նկատմամբ լարին ամրապնդվել է 1,05-ով, եվրոյի նկատմամբ՝ 2,41-ով։ Մեկ դոլարի պաշտոնական արժեքը դարձել է 2,7157 լարի, իսկ եվրոյինը՝ 2,9273 լարի։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ազգային բանկը պարզաբանում է, որ արտարժույթի աճուրդի անցկացման որոշումը կայացվել է «արժույթի շուկայում ոչ հիմնարար գործոնների և նախընտրական շրջանին ավանդաբար բնորոշ աժիոտաժը կանխելու նպատակով»։
«Սա իր հերթին զերծ կպահի գների և ֆինանսական կայունության վրա բացասական ազդեցությունից և կնպաստի արտարժույթի շուկայի կայունացմանը»,- ասվում է հաղորդագրությունում։
Միայն հոկտեմբերին Ազգային բանկը երեք ինտերվենցիա է իրականացրել և պահուստներից վաճառել 173 մլն ԱՄՆ դոլար։
«Հասարակություն և բանկերի» հիմնադիր Գիորգի Կեպուլաձեի խոսքով՝ Ազգային բանկը կարող է նույնքան գումար վաճառած լինել նաև Bmatch հարթակի միջոցով։ Այս տեղեկությունը կհրապարակվի նոյեմբերի վերջին։
«Հիմնական էֆեկտն այն է, որ իշխանությունն ընտրություններից առաջ ինչ-որ կերպ կպահպանի առանց այն էլ արժեզրկված փոխարժեքը։ ... շուկան տեսել է որոշակի ռիսկ և, հետևաբար, փորձում է կուտակել արժութային ռեսուրսներ և դրանով իսկ ապահովագրել այն ռիսկը, որը կարող է ունենալ ապագայում։ Ակնկալիքն այն է, որ եթե իշխանությունը կեղծի ընտրությունները, հնարավոր է, որ դրան հաջորդեն պատժամիջոցներ, արժույթի արժեզրկում։ Այլ կառավարման պայմաններում, վստահ եմ, որ Ազգային բանկը ընտրություններից առաջ այդքան բացահայտ չէր միջամտի արժութային շուկայում, թեև ներկայիս ղեկավարությունը չի առանձնանում իր անկախությամբ և հիմնականում հետևում է «Վրացական երազանքի» քաղաքական օրակարգին»,- այսպես է Կեպուլաձեն գնահատում Ազգային բանկի որոշումը։
Վերջերս Global Finance-ը եվրոպական կենտրոնական բանկերի ղեկավարների շրջանում ամենացածր գնահատականով է գնահատել Վրաստանի Ազգային բանկի նախագահի պաշտոնակատար Նաթիա Թուրնավայի գործունեությունը։ Հրատարակությունը նշել է, որ Թուրնավայի կառավարման սկզբից անմիջապես հետո Ազգային բանկի պահուստները սկսել են նվազել, իսկ նրա մտերմությունը «Վրացական երազանքի» հետ խաթարել է վստահությունը հաստատության նկատմամբ։
