Վրաստանի Ազգային բանկը արտարժույթի աճուրդում վաճառել է ևս 60 000 000 ԱՄՆ դոլար։ Միջին կշռված փոխարժեքը կազմել է 2,8635։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
Ինչպես նշվում է Ազգային բանկում, այս միջամտության նպատակն է նվազեցնել հնարավոր բացասական ազդեցությունը շուկայի սպասումների վրա՝ միանգամյա խոշոր գործարքների արդյունքում։
«Միանգամյա խոշոր գործարքները, մասնավորապես, ֆինանսական հատվածի կողմից, նախորդ տարիներին թողարկված լարիով պարտավորությունների մարումը, շահաբաժինների վճարումը, արտարժույթի շուկայում ժամանակավորապես մեծացնում են արտարժույթի պահանջարկը։ Որպեսզի այդ գործարքները փոխարժեքի չափից ավելի տատանումներ չառաջացնեն, Ազգային բանկը ըստ անհրաժեշտության արտարժույթի աճուրդների միջոցով շուկա է տրամադրում արտարժույթ»,- պարզաբանում են Ազգային բանկը։
Վրաստանի խորհրդարանի կողմից, այսպես կոչված «օտարերկրյա գործակալների» մասին ռուսական օրենքի ընդունումից հետո, վերջին մեկ ամսում Ազգային բանկը վաճառել է ընդհանուր առմամբ 168 700 000 ԱՄՆ դոլար՝ մայիսի 16-ին՝ 60 միլիոն, մայիսի 28-ին՝ 48,7 միլիոն, հունիսի 11-ին՝ 60 միլիոն։ Չնայած դրան՝ լարին շարունակում է արժեզրկվել դոլարի ու եվրոյի նկատմամբ։ Եթե մայիսի 11-ին մեկ ԱՄՆ դոլարի պաշտոնական արժեքը կազմում էր 2,6755 լարի, իսկ եվրոյինը՝ 2,8837, ապա այսօր, ըստ պաշտոնական փոխարժեքի, 1 ԱՄՆ դոլարն արժե 2,8490 կարի, իսկ 1 եվրոն՝ 3,0584 լարի։
