Վրաստանի երրորդ նախագահի ազատազրկման պատճառով «Միացյալ ազգային շարժում» կուսակցությունը դադարեցնում է խորհրդարանական գործունեությունը և անցնում արտակարգ ռեժիմի։ Կուսակցության նախագահ Լևան Խաբեիշվիլիի խոսքով՝ «Վրացական երազանքի» բարձրաստիճան պաշտոնյաներից ոչ մեկը հանգիստ չի ունենա, իսկ բողոքի կենտրոնը կլինի Թբիլիսիում։ Փետրվարի 7-ին՝ ժամը 17:00-ին, կուսակցությունը բողոքի ցույց կանցկացնի կառավարության աշխատակազմի շենքի դիմաց։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Ազգային շարժումն» այլևս չի պատրաստվում մասնակցել խորհրդարանական կյանքին, այլևս չի պատրաստվում մասնակցել որևէ քննարկման ու ինչ-որ խաղերում հետևել «Վրացական երազանքին»։ Մենք արել և անում ենք ամեն ինչ, որպեսզի մեր երկրի եվրոպական ապագան վտանգված չլինի։ Մեր գործընկերները պետք է լավ իմանան, որ մենք ստիպված ենք դա անել, քանի որ նախագահ Սաակաշվիլիի առողջությունն ու կյանքը վտանգված է», - ասել է Խաբեիշվիլին։
Հարցին, թե արդյոք խորհրդարանական գործունեության դադարեցումը նշանակում է հրաժարվել մանդատներից՝ հրաժարվել խորհրդարանի անդամ լինելուց, Խաբեիշվիլին ասել է, որ իրենք այդ հարցով խորհրդակցելու են եվրոպացի գործընկերների հետ։
Կուսակցության նախագահի խոսքերով, Միխեիլ Սաակաշվիլիի գործով Թբիլիսիի քաղաքային դատարանի երեկվա վճռին ի պատասխան «կլինեն ամենօրյա բողոքի ցույցեր ու հասարակական անհանգստություն»։
«Բիձինա Իվանիշվիլին որոշել է կատարել Պուտինի հրամանը և փաստացի մահապատժի է ենթարկել Պուտինի դեմ կռվող գլխավոր հրամանատարին։ Ըստ այդմ, «Ազգային շարժումը» կոնկրետ որոշում է կայացրել, և Բիձինա Իվանիշվիլին և նրա խամաճիկ ռեժիմը պետք է լավ հիշեն դա։
«Ազգային շարժումն» անցնում է արտակարգ ռեժիմի: Դիմում եմ «Ազգային շարժման» բոլոր մարզային և քաղաքային կազմակերպությունների նախագահներին, սակրեբուլոյի խմբակցությունների նախագահներին, անդամներին, սպասում ենք բոլորին մայրաքաղաքում: Բողոքի հիմնական կենտրոնը լինելու է մայրաքաղաքը: Դրանց հետ միասին ծրագրվելու են միջոցառումներ մարզերում։
Ամենուր, ձեզ հանդիպելու են այն մարդիկ, ում ճնշում եք ու սպանում եք նրանց եվրոպական ապագան: Հիշեք, ձեր խաղաղ, անհոգ կյանքն ավարտվել է։ Դուք ամենուր խնդիրներ եք ունենալու»,- ասել է Խաբեիշվիլին։
«Այսօր Միխեիլ Սաակաշվիլիի իրավիճակը դառնում է ավելի տագնապալի։ Հիմա կարևոր է հնարավորինս համախմբել հասարակությանը, քաղաքական խմբերին, թեև հիմա, ճիշտն ասած, կոնսոլիդացիան հեշտ չէ վերջին երկու ամսում մեզ [«Ազգային շարժման»] հետ տեղի ունեցածի պատճառով։ Կուսակցության ներսում բոլորը պետք է ուժ գտնեն, առաջին հերթին իրենց մեջ և այս շատ կարևոր գաղափարական հակամարտությունը, որը մնում է ուժի մեջ, պետք է մի կողմ դնել և ամեն ինչ անել Միխեիլ Սաակաշիլիի վիճակը շտկելու համար», - ասել է «Ազգային շարժում» կուսակցության նախկին նախագահ Նիկա Մելիա:
Փետրվարի 6-ին Թբիլիսիի քաղաքային դատարանի դատավոր Գիորգի Արևաձեն երկամսյա լսումներից հետո մերժեց բանտարկված Վրաստանի երրորդ նախագահ Միխեիլ Սաակաշվիլիի փաստաբանների միջնորդությունը՝ Սաակաշվիլիին առողջական վիճակի պատճառով ազատել պատժից կամ հետաձգել այն։ Սաակաշվիլիի փաստաբան Շալվա Խաճապուրիձեի խոսքով՝ Թբիլիսիի քաղաքային դատարանի որոշումը կբողոքարկվի Մարդու իրավունքների եվրոպական դատարանում։
Առողջական ծանր վիճակի պատճառով Միխեիլ Սաակաշվիլին 2022 թվականի մայիսից գտնվում է Հատուկ քրեակատարողական ծառայության կապալառու «Վիվամեդ» կլինիկայում։ «Էմպաթիա» կենտրոնի և Միջազգային բժշկական փորձագիտական հանձնաժողովի եզրակացության համաձայն՝ Սաակաշվիլին մինչև ձերբակալությունը գործնականում առողջ է եղել, սակայն այժմ կոմա և մահ է սպասվում։ Փորձագետների կարծիքով՝ Սաակաշվիլիին անհրաժեշտ է անհապաղ տեղափոխել ԱՄՆ-ի և/կամ Եվրամիության երրորդ կարգի համալսարանական բազմապրոֆիլ կլինիկա՝ ախտորոշման և բուժման համար։
