Ուկրաինայում կռվող Վրաստանի քաղաքացի՝ 22-ամյա Մամուկա Գածերելիային այսպես կոչված Դոնեցկի Ժողովրդական Հանրապետության Գերագույն դատարանը դատապարտել է ցմահ ազատազրկման։ Նա մեղադրվում է օկուպացված Մարիուպոլ քաղաքում 3 ռուս զինվորների սպանության մեջ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
ՌԴ Գլխավոր դատախազության և Քննչական կոմիտեի տարածած տեղեկության համաձայն՝ Մամուկա Գածերելիան 2022 թվականի մարտին մտել է Ուկրաինայի տարածք, պայմանագիր կնքել Ուկրաինայի զինված ուժերի հետ, որից հետո վերապատրաստում է անցել և ուղարկվել Մարիուպոլ։
«2022 թվականի ապրիլի 1-ին Գածերելիան, որպես վարձկան, մարտական դիրքում էր Մարիուպոլի Ցիբուլկո փողոցի բազմաբնակարան շենքի բնակարանում։ Նա կրակել է ՌԴ զինված ուժերի չորս զինծառայողների վրա, երեք զինծառայող տեղում մահացել է, մեկին հաջողվել է ողջ մնալ։ 2022 թվականի ապրիլի 14-ին նա գտնվելով Ֆեդորովի փողոցում մարտական դիրքում, երկու նռնակ է նետել ՌԴ զինված ուժերի մի խումբ զինծառայողների վրա՝ դրանով իսկ իրական վտանգ ներկայացնելով նրանց կյանքին և առողջությանը», - ասվում է ՌԴ Գլխավոր դատախազության հայտարարության մեջ։
Մամուկա Գածերելիան մեղավոր է ճանաչվել ՌԴ Քրեական օրենսգրքի 137-րդ հոդվածով (զինծառայողի կյանքի իրավունքի խախտում) և 359 հոդվածով (վարձկան զինծառայողի մասնակցությունը զինված հակամարտությանը): Դատարանի որոշմամբ նա պատիժը կկրի հատուկ ռեժիմի գաղութում։
Քննչական կոմիտեն նշել է, որ Մամուկա Գածերելիան որպես բանտարկյալ ինքնակամ հանձնվել է 2022 թվականի մայիսին և լիովին խոստովանում է հանցանքը։
«Ասում է մի անհանգստացեք, ես լավ եմ, բայց չեմ կարծում, որ լավ է, քանի որ նկարում տեսաք, թե ինչ վիճակում է։ Լսել եմ, որ այնտեղից ասել են՝ ասա, որ վրացիների հետ լավ են վերաբերվում»,- ասում է Մամուկա Գածերելիայի մայրը՝ Դալի Չխեիձեն, ով որդու հետ հեռախոսով խոսել է դատավճռի հրապարակումից առաջ։
Վրաստանի իշխանությունները դեռ չեն մեկնաբանել Մամուկա Գածերելիայի նկատմամբ կայացված դատավճիռը։ Ընտանիքը դիմել է արտաքին գործերի նախարարության և Կարմիր խաչի միջազգային կոմիտեի օգնությանը։ Նրանք նաև պահանջում են Ուկրաինայի իշխանություններից ամեն ինչ անել Մամուկա Գածերելիային ազատելու համար։
«Ով ինչպես կարող է օգնեք մեզ։ Օգնեք, որ չսպանեն նրան։ Մենք գիտենք, որ նա չի կարողանա դիմանալ այնտեղ, նրան լավ բան չի սպասվում այնտեղ»,- հայտարարում է Դալի Չխեիձեն։
Գածերելիաների ընտանիքը տեղահանված է Աբխազիայից։ Դալի Չխեիձեի խոսքով՝ 2022 թվականի փետրվարին պատերազմի սկսվելուց անմիջապես հետո Մամուկան որպես կամավոր մեկնել է Ուկրաինա, քանի որ «կարծում էր, որ դա կռիվ է Վրաստանի համար»։ Այդ ժամանակ նա 21 տարեկան էր։ Ավելի ուշ վրացի մարտիկը միացել է «Ազովստալի» պահապաններին։ Մայիսին, երկամսյա դիմադրությունից հետո, ուկրաինական բանակի ստորաբաժանումները, շրջապատված հակառակորդի կողմից, ենթարկվեցին նախագահ Վլադիմիր Զելենսկիի հրամանին և հեռացան Ազովստալից։ Ռուսաստանի Դաշնության պաշտպանության նախարարությունը հայտարարել է, որ մայիսի 16-ից մայիսի 20-ը Ազովստալի տարածքում արգելափակված Ազովի գնդի և Ուկրաինայի զինված ուժերի 2439 ռազմագերի է հանձնվել։
