Բակուրիանիում ձնահյուսի տակ մնացած մարդու են փնտրում

ՆԳՆ արտակարգ իրավիճակների կառավարման ծառայությունը հայտարարել է, որ որոնողափրկարարական աշխատանքներին մասնակցում են փրկարարներ և անօդաչու թռչող սարքեր։

«Հրշեջ-փրկարարները և համապատասխան ստորաբաժանումների ներկայացուցիչներ մոբիլիզացված են Բորջոմիի մունիցիպալիտետի Բակուրիանի քաղաքում, որտեղ լեռան լանջից ձյան զանգված է պոկվել։

Ըստ առկա տեղեկությունների՝ ձնահյուսի տակ հավանաբար մնացել է մեկ մարդ, ում որոնողափրկարարական աշխատանքներին ներգրավված են փրկարարական անօդաչու թռչող սարքերը և արտակարգ իրավիճակների կառավարման ծառայության հատուկ իրավիճակների արձագանքման գլխավոր բաժնի փրկարարները։

Նաև փրկարարական աշխատանքներին մասնակցելու նպատակով, լրացուցիչ փրկարարական ջոկատի հետ միասին, ՆԳՆ սահմանային ոստիկանության ուղղաթիռն արդեն մեկնել է Թբիլիսիից»,- ասված է հաղորդագրությունում։

Նախորդ օրերին Բակուրիանիում ձյուն էր տեղում, իսկ այսօր առանց տեղումների եղանակ է։