Թբիլիսիի Ռուսթավելիի պողոտայում չորս օր շարունակ բողոքի ակցիաների ընթացքում բերման է ենթարկվել ավելի քան 220 անձ։ Երեքը մեղադրվում են ծառայողական պարտականությունները կատարելիս ոստիկանների վրա հարձակվելու և գույքը հրկիզելու միջոցով վնասելու մեջ։ Նրանցից մեկը 17 տարեկան է։
Լրահոս
Ընթերցողի ընտրանի
- 1 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
- 4 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 5 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
ՆԳՆ հաղորդագրության համաձայն՝ քննությամբ պարզվել է, որ այս տարվա նոյեմբերի 29-ին Ռուսթավելիի պողոտայում տեղի ունեցած ցույցի ժամանակ Ապրիլի 9-ի փողոցում 2007 թվականին ծնված Գ.Մ.-ն պիրոտեխնիկայի կրակոցների հետևանքով վիրավորել է ՆԳՆ աշխատակցին մարմնի տարբեր մասերում, իսկ նույն օրը 2003 թվականին ծնված, նախկինում բազմիցս դատապարտված Մ.Գ.-ն դյուրավառ առարկա է նետել օրենսդիր մարմնի շենք, ինչի հետևանքով խորհրդարանի շենքի սենյակներից մեկում հրդեհ է բռնկվել։
Ըստ ՆԳՆ-ի՝ երրորդ մեղադրյալը՝ 1997 թվականին ծնված Ա.Մ.-ն, նախկինում դատապարտվել է գողության, գողության փորձի, թմրամիջոցների ապօրինի պահման համար և ներկայում գտնվում է պայմանական ազատազրկման մեջ: Նա մեղադրվում է նոյեմբերի 29-ին խորհրդարանի շենքի սյան վրա տեղադրված 112-ի տեսահսկման տեսախցիկների էլեկտրական լարերը և էլեկտրամատակարարումը հրկիզելու մեջ։
Հրկիզման վնասը պատժվում է 3-ից 6 տարի ժամկետով, իսկ ոստիկանի վրա հարձակումը 4-ից 7 տարի ժամկետով։
«Վերջին գործողությունների ընթացքում ՆԳՆ ընդհանուր առմամբ 113 աշխատակից առողջական վնաս է ստացել, նրանցից 4-ը դեռ բուժհաստատություններում են։ Ներքին գործերի նախարարությունում հետաքննությունը շարունակվում է՝ բոլոր հանցագործություն կատարողներին հայտնաբերելու և ձերբակալելու համար»,- ասել է ՆԳ փոխնախարար Ալեքսանդր Դարախվելիձեն։
Ինչ վերաբերում է վարչական կարգով ձերբակալվածներին, ապա ոստիկանությունը մանր խուլիգանության և ոստիկանությանը դիմադրություն ցույց տալու/չենթարկվելու հատկանիշներով բերման է ենթարկել ընդհանուր առմամբ 224 անձի։
Ներքին գործերի նախարարության տվյալներով՝ Թբիլիսիի քաղաքային դատարան է ներկայացվել 98 անձի վարչական գործի նյութեր, որոնցից 74 անձի նկատմամբ վարույթն ավարտվել է։ Ավարտված 74 գործից 36 անձի նկատմամբ կիրառվել է տուգանք, 34 անձի նկատմամբ կիրառվել է վարչական ազատազրկում, 4 անձի նկատմամբ կիրառվել է նկատողություն։
