Բոսնիա և Հերցեգովինայի մաս կազմող Սերպսկայի (Սերբիայի Հանրապետություն) կառավարությունը խորհրդարանից ետ է կանչել «օտարերկրյա գործակալների» մասին օրինագիծը։ Ինչպես պարզաբանել է բոսնիական սերբերի ռուսամետ առաջնորդ Միլորադ Դոդիկը, օրինագիծը համապատասխանեցվելու է եվրոպական երկրների պրակտիկային։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Ալիևը Հայաստանը անվանել է «ֆաշիստական պետություն» և ասել, որ «ֆաշիզմը պետք է ոչնչացվի»
- 4 Թրամփը առավելագույն ճնշում է գործադրելու Իրանի և Իրանի դաշնակից Իվանիշվիլիի ռեժիմի վրա․ Ուիլսոն
- 5 Բաթումիում խմբով հարձակվել են Գիորգի Գախարիայի վրա
- 6 ԱՄՆ-ն և Հայաստանը կստորագրեն ռազմավարական գործընկերության փաստաթուղթ
«Վերջին օրերին մենք խորհրդակցություններ ենք անցկացրել Սերպսկայի Հանրապետության կառավարության և Ազգային ժողովի իշխող մեծամասնության անդամների հետ՝ հատուկ ռեգիստրի մասին օրենքի նախագծի և ոչ առևտրային կազմակերպությունների գործունեության հրապարակայնության վերաբերյալ։ Բոլոր իրավական փորձագետները, ովքեր քննարկել են օրինագիծը, համաձայն են, որ այն լիովին համապատասխանում է ԱՄՆ օրենսդրությանը, և որ այն ավելի ճկուն է ձևի և որոշակի իրավական նորմերի առումով:
Սակայն որոշ հակասություններ տեսանելի են, և դրանք վերաբերում են եվրոպական նորմերին, և քանի որ Սերպսկայի Հանրապետությունը հավատարիմ է եվրոպական ուղուն, մենք պայմանավորվեցինք ետ կանչել օրինագիծը և այն ավելի ներդաշնակեցնել եվրոպական որոշ երկրների օրենքներին։
Այնպես որ, առաջարկը կանչվել է լրացուցիչ համակարգման և կվերադառնա ընթացակարգին՝ սահմանված կանոններով»,- գրել է Դոդիկը «X» սոցիալական ցանցում։
Սպերսկայի Հանրապետության Ազգային ժողովն այսօր պետք է քննարկեր օրենքի նախագիծը, սակայն երեկ փոխվարչապետ Միլոշ Բուկեյլովիչը օրենսդիրներին տեղեկացրել է, որ կառավարությունը որոշել է այն հանել խորհրդարանական ընթացակարգից։ Նա լրացուցիչ պարզաբանում չի տվել։
Վիճահարույց օրենքի նախագիծը խորհրդարան էր ներկայացվել անցյալ տարվա սեպտեմբերին։ Ըստ տեղական ԶԼՄ-ների, դրանում նշվում է, որ օտարերկրյա ֆինանսավորվող հասարակական կազմակերպությունները կենթարկվեն հատուկ վերահսկողության, կարգելվի քաղաքական գործունեությունը, ինչպես նաև նրանցից կպահանջվի գրանցվել և ներկայացնել ֆինանսական հաշվետվություններ։ Բացի այդ, արդարադատության նախարարը կկարողանա դատարանում պահանջել արգելել նրանց աշխատանքը։
ԵՄ-ն քննադատել է օրենքի նախագիծը՝ ասելով, որ այն հակասում է Բոսնիա և Հերցեգովինայի եվրոպական ուղուն:
Բոսնիա և Հերցեգովինան ԵՄ-ի թեկնածուի կարգավիճակ է ստացել 2022 թվականի հոկտեմբերին, իսկ այս տարվա մարտին Եվրահանձնաժողովը երկրին առաջարկել է բանակցություններ սկսել ԵՄ-ին անդամակցելու շուրջ։
