Մառախուղի և ցածր տեսանելիության պատճառով Թբիլիսիի միջազգային օդանավակայանը խափանումներով է աշխատում։ Մի քանի ինքնաթիռներ չեն կարողացել վայրէջք կատարել, և դրանք ուղղվել են այլընտրանքային օդանավակայաններ՝ Քութայիսի, Բաթումի և Երևան։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
«Այս փուլում մինչև գիշերվա ժամը 2-ը սպասվում է 350 մետր տեսանելիություն, ինչը շատ ցածր է, և դրա պատճառով ավիաընկերությունները որոշում են կայացնում վայրէջք կատարել այլընտրանքային օդանավակայաններում»,- ասել է Թբիլիսիի միջազգային օդանավակայանի ներկայացուցիչ Նինո Ծիվծիվաձեն։
«Քաթար ավիաուղիներ»-ի Դոհա-Թբիլիսի և «Ջազիրա ավիաուղիներ»-ի Քուվեյթ-Թբիլիսի չվերթներն այսօր չեն իրականացվել։ Երկու ինքնաթիռներն էլ վայրէջք են կատարել Երևանի միջազգային օդանավակայանում։ Մոսկվա-Թբիլիսի ուղղությամբ «Ազիմուտ» ընկերության ինքնաթիռը վայրէջք է կատարել Քութայիսիի օդանավակայանում։ «Ֆլայ Դուբայ» և «Էյր Արաբիա» ավիաընկերությունների թռիչքները նույնպես ուղղվել են այլընտրանքային օդանավակայաններ։
Թբիլիսիի օդանավակայանում «Պեգասուս» և «Թուրքական ավիաուղիներ» ավիաընկերությունները չեղարկել են Ստամբուլ-Թբիլիսի չվերթները։
Մինչև դեկտեմբերի 10-ը Թբիլիսիում ժամանակ առ ժամանակ սպասվում է անձրև։ Շրջակա միջավայրի ազգային գործակալության տեղեկատվության համաձայն՝ օդի ջերմաստիճանը ցերեկը կլինի +10, +12 աստիճան։
![Վրաստանի լուրեր](/images/a2.png#joomlaImage://local-images/a2.png?width=80&height=80)