Duman və zəif görüş məsafəsi səbəbindən Tbilisi Beynəlxalq Hava Limanı ləngimələrlə işləyir. Bir neçə təyyarə enə bilməyib və onlar alternativ hava limanlarına - Kutaisi, Batumi və İrəvana yönləndirilib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
"Bu mərhələdə gecə saat 2-yə qədər görmə məsafəsinin 350 metr olacağı gözlənilir ki, bu da çox aşağıdır və bu səbəbdən aviaşirkətlər öz təyyarələrini alternativ hava limanlarına endirmək qərarına gəlirlər", - Tbilisi Beynəlxalq Hava Limanının nümayəndəsi Nino Tsivtsivadze bildirib.
Bu gün “Qatar Airlines”in Doha-Tbilisi və “Jazeera Airlines”ın Küveyt-Tbilisi reysi uğursuz olub. Hər iki təyyarə Yerevan Beynəlxalq Hava Limanına enib. “Azimut” aviaşirkətinin Moskva-Tbilisi reysi Kutaisi hava limanına enib. “Fly Dubai” və “Air Arabia”nın reysləri də alternativ hava limanlarına yönəldilib.
“Pegasus” və “Türk Hava Yolları” Tbilisi hava limanına olan İstanbul-Tbilisi reyslərini ləğv ediblər.
Dekabrın 10-dək Tbilisidə arabir yağış yağacağı gözlənilir. Milli Ətraf Mühit Agentliyinin məlumatına görə, havanın temperaturu gün ərzində +10, +12 dərəcə olacaq.
