Վրաստանի հինգերորդ նախագահ Սալոմե Զուրաբիշվիլին Facebook սոցիալական ցանցում հրապարակել է նոր ընտրությունների ծրագիրը՝ «Ճանապարհ դեպի նոր ընտրություններ» վերտառությամբ։
Լրահոս
Ընթերցողի ընտրանի
- 1 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 2 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 3 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 4 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 5 Բաթումիում գտնվող «Երազանքի քաղաքում» 2 երեխա է ընկել ջրով լի փոսը և մահացել
- 6 Մզիա Ամաղլոբելին բոլոր անարդարացիորեն ձերբակալվածների խիզախության խորհրդանիշն է․ Կալլաս և Կոս
«Նոր ընտրությունների» հինգ կետից բաղկացած ծրագիրն ունի հետևյալ տեսքը.
- Ընտրությունների պայմանների սահմանում,
- Ընտրական հանձնաժողովների և դիտորդների «բանակի» պատրաստում,
- Միջազգային գործընկերների մասնակցությամբ նոր ընտրությունների պաշտպանություն կեղծիքներից,
- Նոր ընտրությունների համար քաղաքական ուժերի համակարգում,
- Միասնական նախընտրական ծրագիր՝ «Վրացական խարտիա» և դրա առաջնահերթությունները՝ քաղբանտարկյալների ազատ արձակում, «ռուսական օրենքների» չեղարկում, արդար դատավարության վերականգնում։
Փետրվարի 25-ին Ռուսթավելիի պողոտայում ցուցարարների առջև ելույթի ժամանակ Սալոմե Զուրաբիշվիլին հայտարարել է, որ նոր ընտրությունները միակ և այլընտրանք չունեցող ծրագիրն են։
«Այլ լուծում, խաղաղ լուծում, բացի ընտրություններից, չկա։ Ընտրված լինելը նշանակում է, որ երբ ճգնաժամ է, դիմում ես ժողովրդին ու հարցնում. ի՞նչ ես ուզում, ո՞րն է քո կամքը: Վրաց ժողովրդի կամքն ազատությունն է, անկախությունը և եվրոպական ապագան։ Այնպես որ, այս ընտրությունները կնշանակվեն, այդ մասին խոսք չկա»,- ասել է Զուրաբիշվիլին։
Սալոմե Զուրաբիշվիլին, ինչպես և ընդդիմադիր կուսակցությունները, չեն ճանաչում 2024 թվականի հոկտեմբերի 26-ին կայացած խորհրդարանական ընտրությունների արդյունքները։ Զուրաբիշվիլիի խոսքով՝ ինքը կմնա երկրի նախագահը այնքան ժամանակ, քանի դեռ իր իրավահաջորդը չի ընտրվել լեգիտիմ խորհրդարանի կողմից։
Փետրվարի 13-ին Եվրախորհրդարանը 400 ձայնով բանաձև է ընդունել, որով Սալոմե Զուրաբիշվիլիին ճանաչել է Վրաստանի լեգիտիմ նախագահ։ Բացի այդ, բանաձևում նշվում է, որ երկրում առկա ճգնաժամից դուրս գալու միակ ելքը նոր խորհրդարանական ընտրություններն են։
