საქართველოს მეხუთე პრეზიდენტმა, სალომე ზურაბიშვილმა სოციალურ ქსელ Facebook-ში ახალი არჩევნების გეგმა გამოაქვეყნა, წარწერით „გზა ახალი არჩევნებისკენ“.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 3 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 4 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 5 მოიპოვებენ თუ არა საქართველოში ტაილანდელი ქალებისგან კვერცხუჯრედებს იძულებით
- 6 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
ხუთპუნქტიანი გეგმა „ახალი არჩევნები“ შემდეგნაირად გამოიყურება:
- არჩევნების პირობების დაწესება;
- საარჩევნო კომისიებისა და დამკვირვებლების „ჯარის“ მომზადება;
- საერთაშორისო პარტნიორების მონაწილეობით ახალი არჩევნების გაყალბებისგან დაცვა;
- პოლიტიკურ ძალებს შორის კოორდინაცია ახალი არჩევნებისთვის;
- ერთიანი საარჩევნო პროგრამა - „ქართული ქარტია“ და მისი პრიორიტეტები: პოლიტპატიმრების გათავისუფლება, „რუსული კანონების“ გაუქმება, სამართლიანი სასამართლოს აღდგენა.
სალომე ზურაბიშვილმა 25 თებერვალს, რუსთაველის გამზირზე, აქციის მონაწილეების წინაშე გამოსვლისას განაცხადა, რომ ახალი არჩევნები ერთადერთი და უალტერნატივო გეგმაა.
„სხვა გამოსავალი, მშვიდობიანი გამოსავალი არ არსებობს, თუ არა არჩევნები. არჩევენები ნიშნავს, რომ როცა კრიზისია, შენ უბრუნდები ხალხს და ეკითხები: შენ როგორ გინდა? შენი ნება რა არის? საქართველოს ხალხის ნება არის თავისუფლება, დამოუკიდებლობა და ევროპული მომავალი. ასე რომ, ეს არჩევნები დაინიშნება, ამაზე კითხვის ნიშანიც არ დგას“, - თქვა ზურაბიშვილმა.
სალომე ზურაბიშვილი, ისევე როგორც ოპოზიციური პარტიები, არ აღიარებენ 2024 წლის 26 ოქტომბრის საპარლამენტო არჩევნების შედეგებს. ზურაბიშვილის თქმით, ის ქვეყნის პრეზიდენტად რჩება მანამ, სანამ მის შემცვლელს ლეგიტიმური პარლამენტი არ აირჩევს.
13 თებერვალს ევროპარლამენტმა 400 ხმით მიიღო რეზოლუცია, რომლითაც საქართველოს ლეგიტიმურ პრეზიდენტად სალომე ზურაბიშვილია აღიარებული. ამასთან, რეზოლუციაში ნათქვამია, რომ ქვეყანაში არსებული კრიზისიდან ერთადერთი გამოსავალი ახალი საპარლამენტო არჩევნებია.
