2017 թվականից Թբիլիսիի վերաքննիչ դատարանի քրեական պալատի ցմահ դատավոր նշանակված Մակա Գվելեսիանին հրաժարական է ներկայացրել և արտագաղթել Ամերիկայի Միացյալ Նահանգներ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Արդարադատության բարձրագույն խորհրդի անդամ, Թբիլիսիի վերաքննիչ դատարանի վարչական գործերի պալատի դատավոր Լևան Մուրուսիձեն «Պիրվելի» հեռուստաընկերությանը հայտնել է, որ խորհուրդն արդեն դադարեցրել է Մակա Գվելեսիանիի լիազորությունները նրա դիմումի հիման վրա։
«Նամակով դիմել է խորհրդին, կապվեցինք նրա հետ, հաստատեց, որ գնացել է, իր հայտարարության մեջ գրել էր, որ անձնական ու ընտանեկան պայմաններից ելնելով ու ինքնակամ... մարդը երբեմն փոխում է աշխատանքը, տեղափոխվում է մի աշխատանքից մյուսը, տեղափոխվում է այլ երկիր: Ըստ այդմ՝ նա հայտարարություն է գրել, դիմել Արդարադատության խորհուրդ՝ խնդրելով դադարեցնել լիազորությունները։ Նա հաստատել է իր հայտարարության հավաստիությունը, և նրա լիազորությունները դադարեցվել են»,- ասել է Լևան Մուրուսիձեն։
Մուրուսիձեի խոսքով՝ դատավորները ստիպված են աշխատել «անտանելի պայմաններում», ինչի համար նա մեղադրում է լրատվամիջոցներին։
«Ձեր խոսակցություններով մեզ չե՞ք վիրավորում։ Դատավորները անտանելի պայմաններում չե՞ն աշխատում։ Եթե որևէ որոշման համար ճնշում ես դատավորների վրա, նրանք սթրեսի են ենթարկվում, և ոչ ոք իսկապես չի ցանկանում աշխատել: Մենք մրցույթ ենք հայտարարել, և ոչ մի հայտ չի ներկայացվել՝ 80 թափուր պաշտոնի համար ներկայացվել է 20 հայտ, մեծ մասը՝ դատական համակարգից։ Անձամբ ես մեծ ճնշման տակ եմ։ [երկրից հեռանալու մասին] Իհարկե, ես այդ մասին չեմ մտածել։ Ես հաճախ եմ մտածել... բայց, ի վերջո, դուք այնքան շատ բան եք արել, որ չարժե հանուն ձեզ դատաիրավական համակարգից հեռանալ»,- ասել է Մուրուսիձեն։
Մակա Գվելեսիանին առաջին դատավորը չէ, ով արտագաղթել է Ամերիկայի Միացյալ Նահանգներ։ 2021 թվականի ապրիլին Թբիլիսիի քաղաքային դատարանի քաղաքացիական գործերով կոլեգիայի ցմահ դատավոր Մայա Սվիանաձեն արձակուրդ է գնացել ԱՄՆ և մնացել այնտեղ։ Ինչպես պարզաբանել է նախկին դատավորը, դատական համակարգից իր հեռանալը կապված չէ կոնկրետ գործի կամ քաղաքական ճնշման հետ: «Միացյալ Նահանգներում է իմ միակ զավակը և երկու թոռներս, և սա էր որոշման հիմնական պատճառը։ Իհարկե, դա հեշտ որոշում չէր, բայց ինձ համար ընտանիքը շատ ավելի կարևոր է, քան ցանկացած պաշտոն»,- ասել է Սվիանաձեն, ով Արդարադատության բարձրագույն խորհրդի որոշմամբ ցմահ դատավոր էր նշանակվել 2017 թվականին։
