Ամերիկյան CNN հեռուստաընկերությունը հրապարակել է Վրաստանի երրորդ նախագահ, անազատության մեջ գտնվող Միխեիլ Սաակաշվիլիի նոր կադրերը, որն արվել է հոկտեմբերի սկզբին՝ հատուկ քրեակատարողական ծառայության կապալառու «Վիվամեդ» կլինիկայում։ Կադրերից մեկում երևում է, թե ինչպես է Սաակաշվիլին ընկնում մահճակալի մոտ։
Լրահոս
Ընթերցողի ընտրանի
- 1 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 2 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
Տեսանյութը CNN-ին տրամադրել է Միխեիլ Սաակաշվիլիի ամերիկացի փաստաբանը։ Մասիմո Դիանջելոն ուղիղ եթերում խոսել է նաև բանտարկյալի առողջական վիճակի և ազատ արձակման ուղիների մասին։ Փաստաբանի խոսքով՝ CNN-ի եթերում իր վերջին ելույթից հետո յոթ շաբաթվա ընթացքում Սաակաշվիլիի ինքնազգացողությունը վատացել է՝ նա զգալիորեն նիհարել է, և այդ գործընթացը շարունակվում է։
«Սաակաշվիլին պետք է անհապաղ տեղափոխվի արտերկիր՝ բուժման նպատակով, պետք է անցնի դետոքսիկացման գործընթաց: Այնուամենայնիվ, մեր նյարդաբանը չգիտի, թե արդյոք ուղեղի առկա վնասը երբևէ կվերականգնվի:
Սաակաշվիլին ազգի դեմոկրատիայի հայրն է, նա է բերել ժողովրդավարություն, առաջին անգամ իշխանությունը ոչ բռնի փոխանցում կատարեց հարավկովկասյան տարածաշրջանում, երբ իշխանությունը փոխանցեց ներկայիս իշխող «Վրացական երազանքին»։ Դրա ստեղծողն ու առաջնորդը Բիձինա Իվանիշվիլին է՝ օլիգարխը և Պուտինի ակնհայտ խամաճիկը։ Ահա թե ինչի հետ գործ ունենք, և այդ պատճառով մեզ անհրաժեշտ է Միացյալ Նահանգների և նրա դաշնակիցների աջակցությունը օգնությունը դադարեցնելու համար:
ԱՄՆ-ը Վրաստանին տրամադրում է տասնյակ միլիոնավոր դոլարների օգնություն՝ աջակցելու ժողովրդավարական ծրագրերին և դատական համակարգին։ Իհարկե, սա հետընթաց է ժողովրդավարության համար, և մենք՝ ԱՄՆ-ը, պետք է պաշտպանենք ժողովրդավարությունը։ Ակնհայտ է, որ ԱՄՆ-ը և դեսպանը ուշադիր հետևում են իրավիճակին, բայց մենք պետք է իրական ջանքեր գործադրենք՝ դադարեցնել օգնությունը, կիրառել պատժամիջոցներ և վիզային սահմանափակումներ։ Սրանք այն ուղիներն են, որոնք մենք պետք է օգտագործենք նրա ազատ արձակումն արագացնելու համար»,- ասել է Դիանջելոն։
Փետրվարի 6-ին Թբիլիսիի քաղաքային դատարանը մերժել է Միխեիլ Սաակաշվիլիի փաստաբանների միջնորդությունը՝ Սաակաշվիլիին առողջական վիճակի պատճառով ազատել պատժից կամ հետաձգել այն։ Դատավոր Գիորգի Արևաձեն Միխեիլ Սաակաշվիլիի փաստաբանների դիմումը քննում էր 2022 թվականի դեկտեմբերի 9-ից։
Սաակաշվիլիի փաստաբանների խնդրանքը հիմնված էր «Էմպաթիա» կենտրոնի և Միջազգային բժշկական փորձագիտական հանձնաժողովի եզրակացության վրա, ըստ որի՝ Սաակաշվիլին մինչև ձերբակալությունը գործնականում առողջ է եղել, սակայն այժմ կոմա և մահ է սպասվում։ Փորձագետների կարծիքով՝ Սաակաշվիլիին անհրաժեշտ է անհապաղ տեղափոխել ԱՄՆ-ի և/կամ Եվրամիության երրորդ կարգի համալսարանական բազմամասնագիտական կլինիկա՝ ախտորոշման և բուժման համար։
Ուկրաինայի քաղաքացի Միխեիլ Սաակաշվիլին ձերբակալվել է 2021 թվականի հոկտեմբերի 1-ին Թբիլիսիում՝ տեղական ինքնակառավարման մարմինների ընտրությունների նախօրեին։ Նա մեղավոր է ճանաչվել և վեց տարվա ազատազրկման է դատապարտվել պատգամավոր Վալերի Գելաշվիլիին ծեծի ենթարկելու և Սանդրո Գիրգվլիանիի սպանության համար դատապարտված Սահմանադրական անվտանգության վարչության աշխատակիցներին ներում շնորհելու գործերով։ Սաակաշվիլին մեղադրվում է նաև «Իմեդի» հեռուստաընկերություն ներխուժելու և նոյեմբերի 7-ի բողոքի ակցիան ցրելու, Պատարկացիշվիլիի ունեցվածքին ապօրինի տիրանալու և պետական պաշտպանության հատուկ ծառայությանը պատկանող 9 024 367 լարիի յուրացման գործերով։ Երրորդ նախագահն իրեն մեղավոր չի ճանաչում և ասում է, որ գործը քաղաքական դրդապատճառներ ունի։
