Լրահոս

Ըստ Reuters-ի՝ Միջազգային դատարանը հայտարարել է, որ Credit Suisse-ի մաս կազմող Credit Suisse Trust-ը, որին հասանելիություն է ունեցել բանկային խորհրդատու Պատրիկ Լեսկադրոնը, բարեխղճորեն չի գործել և չի կատարել Իվանիշվիլիի ակտիվները պաշտպանելու իր պարտավորությունը։

Բանկին պարտավորեցված գումարը կկրճատվի 79 միլիոնով, քանի որ այս գումարն արդեն անցյալ տարվա դեկտեմբերին վճարվել է Իվանիշվիլիին։

Credit Suisse-ը նախատեսում է բողոքարկել դատավճիռը՝ պատճառաբանելով, որ վնաս է կրել Իվանիշվիլիի վատ ներդրումային որոշման պատճառով, այլ ոչ թե խարդախություն։ Բանկը բողոքարկում է Բիձինա Իվանիշվիլիի գործով ընդունված ևս մեկ որոշում։ Մասնավորապես, 2022 թվականի մարտին Բերմուդյան Կղզիների դատարանը պարզել է, որ գործարարն ու նրա ընտանիքը մոտ 600 միլիոն դոլարի վնաս են կրել Credit Suisse-ի ապահովագրական ստորաբաժանման գործողությունների պատճառով։

Դատարանը հայտնել է, որ Credit Suisse-ի կողմից վճարվող վերջնական գումարը հետագայում կկրճատվի՝ խուսափելու Բերմուդյան դատարանի վճռի համընկնումից և վնասի կրկնակի փոխհատուցումից: Այս հարցում որոշակի աղբյուր Reuters-ին տեղեկություն է տրամադրել, որ այսպես կոչված համընկնումը կազմում է մոտ 300 մլն դոլար։

Պատրիկ Լեսկադրոնը 2018 թվականին շվեյցարական դատարանի կողմից դատապարտվել և մեղավոր է ճանաչվել խարդախության մեջ։ Նա ազատ է արձակվել 2019 թվականին, որից հետո՝ 2020 թվականին, ինքնասպան է եղել։

Ներկայում Credit Suisse-ի շվեյցարական հոլդինգը գնում է UBS Group AG-ն։ Գործարքի գնահատված արժեքը կազմում է 3․4 մլրդ դոլար։