Հարավային Օսիայի դե ֆակտո Հանրապետության նախարարների կաբինետը փոփոխություններ են կատարել այսպես կոչված պետական սահմանը հատելու օրենքում: Այսպես կոչված սահմանը հատելու համար անհրաժեշտ անցագիրը կտրվի օկուպացված Ջավայի և Ախալգորիի շրջանների աշխատակազմերի կողմից։ Մինչ այժմ, այն ստանալու համար պահանջվում էր դիմել դե ֆակտո Պետական անվտանգության կոմիտեին։
Լրահոս
Եվրոպական խորհուրդ. Վրաստանի կառավարության գործողությունները դե ֆակտո դադարեցնում են անդամակցության գործընթացը
Հաշմանդամ ակտիվիստը, ում տվյալները ներառվել են գործակալների ռեգիստրում, դատի է տվել արդարադատության նախարարությանը
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
«Գործընթացը պարզեցնելու նպատակով կոմիտեն նպատակահարմար է գտնում դիմումների ընդունման և անցագրերի տրամադրման գործառույթները փոխանցել Ձաուի (Ջավա) և Լենինգորի (Ախալգորի) աշխատակազմերին։ Անցագիր տալու համար, կառավարության որոշման համաձայն, անհրաժեշտ է ներկայացնել ծննդյան վկայական։ Եթե վկայականը վրացերեն է, ապա պահանջվում է ռուսերեն նոտարական վավերացված թարգմանություն»,- ասել է Վալերիան Ալիխանտին, այսպես կոչված պետական անվտանգության կոմիտեի սահմանապահ ծառայության պետի պաշտոնակատարը:
Նոր կարգի համաձայն, այսպես կոչված Հարավային Օսիայի քաղաքացու անձնագիր ունեցողներն այլևս պարտավոր չեն լինի ծննդյան վկայական ներկայացնել։
2022 թվականի օգոստոսից դե ֆակտո իշխանությունը «Ռազդախանի» (Օձիսի/Մոսաբրունի) և «Պերեուի» (Պերևի) այսպես կոչված անցակետերը բացում է յուրաքանչյուր ամսվա 20-ից 30-ը։ Մինչ այդ, երեք տարի շարունակ, այսպես կոչված սահմանը փակ էր:
Ըստ Ախալգորիում բնակվող քաղաքացիական ակտիվիստ Թամար Մեարաքիշվիլիի, վերջին ամիսներին մի քանի հազար անցագիր է տրվել օկուպացված շրջանների մշտական բնակիչներին, ինչպես նաև Ծերովանի գյուղի տեղահանվածներին։ Ըստ Մեարաքիշվիլիի՝ սկզբում կտրոնները տրվում էին նորմալ, սակայն վերջին շրջանում դժգոհների թիվն ավելանում է, և դա վերաբերում է ինչպես նոր անցագրերի ձեռքբերմանը, այնպես էլ արդեն տրվածների վավերականության ժամկետի երկարացմանը։ Միայն վերջին մեկ շաբաթվա ընթացքում օկուպացված Ախալգորիից Թբիլիսի հոսպիտալացվելու կարիք է ունեցել չորս հիվանդ, այդ թվում՝ մեկ քաղցկեղով հիվանդ, սակայն անցագրի բացակայության պատճառով տեղափոխել չի հաջողվել: Ոմանք երկու ամիս են սպասում իրենց անցագրերին։ Նաև Վրաստանի կենտրոնական իշխանության կողմից վերահսկվող տարածքում գտնվող հարազատները չեն կարողանում այցելել հիվանդներին։
Թամար Մեարաքիշվիլին ասում է, որ Ախալգորիում անցագրերի տրամադրումը ղեկավարում է շրջանային աշխատակազմի ղեկավար և դե ֆակտո նախագահ Ալան Գագլոևի ընկեր Ռեզո Դևիձեն, ով մարդկանցից կաշառք է պահանջում։
«Գաղտնիք չէ, թե ինչ արժե անցագիրը՝ սկսած ոչխարից, վերջացրած մեծ գումարով»,- գրում է Թամար Մեարաքիշվիլին և կոչ անում դե ֆակտո նախագահին անհապաղ լուծել խնդիրը։ «Նախ կոռումպացված Ռեզո Դևիձեն պետք է հեռացվի աշխատանքից, խիստ կանոններ մտցվեն և ըստ կարգի անցագրեր տրվեն՝ առանց հեռախոսազանգերի և պաշտոնյաների միջամտության։