Օկուպացված Ցխինվալիի շրջանի դե ֆակտո նախարարների կաբինետը այսպես կոչված պետական սահմանի և բնական ռեսուրսների պաշտպանության ժամանակ զենքի կիրառման կանոններում փոփոխություններ է կատարել։ Թարմացված փաստաթղթի համաձայն՝ «պետական սահմանը պաշտպանելիս» հնարավոր կլինի զենք կիրառել անօդաչու թռչող սարքերի դեմ։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
Այսպես կոչված Հարավային Օսիայի Հանրապետության պետական անվտանգության կոմիտեի ղեկավարի պաշտոնակատար Վալերիան Ալիխանտին ասել է, որ այսպես կոչված սահմանին Վրաստանի կողմից անօդաչու թռչող սարքերի կիրառման դեպքերն ավելանում են։
Ալիխանտիի խոսքով՝ կառավարության 2009 թվականի դեկտեմբերի 18-ի որոշումը կարգավորում է զենքի և ռազմական տեխնիկայի կիրառումը Հարավային Օսիայի տարածքում պետական սահմանի և բնական ռեսուրսների պաշտպանության նպատակով։
«Փաստաթղթում հստակեցված է անօդաչու թռչող սարքերի և անօդաչու օդային համակարգերի՝ ուղղաթիռների, ինքնաթիռների դեմ զենքի կիրառման ընթացակարգը։ Նման պայմաններում Հարավային Օսիայի սահմանային իշխանությունները իրավունք չունեն օրինական կերպով օգտագործել զենք և զինտեխնիկա՝ պետական սահմանի խախտումները կասեցնելու կամ խախտումները կանխելու համար, ինչը թույլ չի տալիս լիարժեք կատարել սահմանային անվտանգության խնդիրները։ Փոփոխությունները թույլ են տալիս զենք օգտագործել այն անօդաչու թռչող սարքերի դեմ, որոնք խախտում են պետական սահմանը»,- ասել է Ալիխանտին։
Նրա ներկայացրած փոփոխություններին աջակցել են այսպես կոչված նախարարների կաբինետի անդամները։
