Վրաստանի խորհրդարանի նախագահ Շալվա Պապուաշվիլիի խոսքով, օկուպացված Աբխազիայում ընթացող գործընթացները օկուպացիոն կառավարման արդյունքն են։
Լրահոս
Ընթերցողի ընտրանի
- 1 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 ԿԸՀ-ի դիմումի հիման վրա կառավարությունը հոկտեմբերի 25-ը հայտարարել է ոչ աշխատանքային օր
- 6 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
«Սա արդյունքն է այն բանի, որ այնտեղ կա օկուպացիոն կառավարում, իսկ ցանկացած տարածքում, որտեղ չկան ինստիտուտներ, և կա օկուպացիոն կառավարում, բնականաբար, կայունությունն անհնար է։ Այդ իսկ պատճառով մեր ընդհանուր շահերից է բխում զարգացնել մեր երկիրը ամբողջությամբ, ներառյալ Աբխազիան, և Աբխազիայի քաղաքացիների բարեկեցությունը կզարգանա միայն այս կերպ։ Ցանկացած նման գորշ գոտիներ, որոնք ստեղծվում են օկուպացիոն ռեժիմի շնորհիվ, լինի դա Վրաստանում, թե այլուր, միշտ ապակայունացման աղբյուր են, քանի որ սա չգործող ինստիտուտներով տարածք է»,- ասել է Պապուաշվիլին։
Լրագրողները Պապուաշվիլիին նաև հարցրել են, թե ինչու Վրաստանի արտաքին գործերի նախարար Իլիա Դարչիաշվիլին չի մեկնաբանում Ռուսաստանի արտաքին գործերի նախարարության հայտարարությունը, որը հրապարակվել է Ժնևի բանակցությունների հերթական փուլից հետո։
«Պատասխանի կարիք չկա։ Մեր տարածքային ամբողջականության վերաբերյալ դիրքորոշումը հստակ է։ Չգիտեմ, թե ինչ պետք է արձանագրել, բայց ինչ վերաբերում է ՌԴ կառավարության տարբեր հայտարարություններին, իհարկե, մենք այս հայտարարությունների վրա չենք հիմնում մեր քաղաքականությունը կամ մեր հայտարարությունները։ Այն, որ ինչ-որ մեկը կարող է որոշակի հարցեր օգտագործել հռետորականորեն, դա իրենց խնդիրն է, ոչ թե մերը»,- ասել է Պապուաշվիլին։
Օկուպացված Աբխազիայում այսպես կոչված ընդդիմությունը դեմ է արտահայտվել Ռուսաստանի հետ ստորագրված «Ներդրումային համաձայնագրի» վավերացմանը։ Այսօր դե ֆակտո խորհրդարանի դիմաց տեղի ունեցած հանրահավաքի մասնակիցները, բացի վավերացման հարցը ետ կանչելուց, պահանջել են նաև, այսպես կոչված նախագահ Ասլան Բժանիայի հրաժարականը։
Վրաստանի նախկին վարչապետ, «Հանուն Վրաստանի» կուսակցության նախագահ Գիորգի Գախարիան օկուպացված տարածաշրջանում տեղի ունեցող զարգացումները գնահատել է որպես անեքսիայի գործընթացների «սրացում»։ Գախարիան արձագանքել է նաև Ռուսաստանի արտաքին գործերի նախարարության հայտարարությանը, որտեղ խոսվում է Վրաստանի կողմից Աբխազիայի և այսպես կոչված Հարավային Օսիայի հետ «սահմանների» սահմանազատման մասին, և ասել, որ այս պահանջների նախադրյալները ստեղծել է «Վրացական երազանքը»։
