Ռուսաստանի Դաշնության Դաղստանի Հանրապետությունում՝ Դերբենտ և Մախաչկալա քաղաքներում հարձակում է տեղի ունեցել ուղղափառ եկեղեցիների ու սինագոգների վրա։ Առնվազն 10 մարդ զոհվել է, 25-ը՝ վիրավորվել։ Հակաահաբեկչական գործողության ընթացքում սպանվել է հինգ հարձակվող։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Նախագահի թեկնածու Միխեիլ Կավելաշվիլին բարձրագույն կրթություն չունի
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
BBC-ի ռուսական ծառայության փոխանցմամբ՝ կիրակի երեկոյան անհայտ անձինք ինքնաձիգներից կրակ են բացել Լենինի փողոցի Սուրբ Աստվածածին եկեղեցում և Դերբենտ քաղաքի Թաղիզադե փողոցի սինագոգում։ Հարձակման հետևանքով սինագոգում հրդեհ է բռնկվել։
Միաժամանակ անհայտ անձինք կրակ են բացել Մախաչկալայի Երմոշկինի փողոցում գտնվող ճանապարհային ոստիկանության բաժանմունքի և հարակից սինագոգի վրա։ Հրաձգությունը տեղի է ունեցել Օրջոնիկիձեի փողոցում՝ Վերափոխման տաճարի մոտ։
ՌԴ Քննչական կոմիտեն քրեական գործ է հարուցել «ահաբեկչական գործողության» հոդվածով։
Զոհվածների և վիրավորների մեծ մասը ոստիկաններ են։ Վերջին տվյալներով՝ զոհվել է 8, վիրավորվել՝ 13 ոստիկան։
Դերբենտի եկեղեցու վրա հարձակման ժամանակ սպանվել են հոգևորական Նիկոլայ Կոտելնիկովը և եկեղեցու պահակը։ Ռուս ուղղափառ եկեղեցին հայտնել է, որ Կոտելնիկովը ծառայել է ավելի քան 40 տարի։ Ըստ տեղեկությունների՝ քահանային գլխատել են։
Սպանված հարձակվողների ինքնության մասին պաշտոնապես չի հաղորդվում։ Ռուսական լրատվամիջոցների փոխանցմամբ՝ նրանցից երեքը Դաղստանի Սերգոկալինսկի շրջանի ղեկավարի որդիներն ու եղբոր որդին են։ Մագոմեդ Օմարովին ձերբակալել են և տարել հարցաքննության։ Ավելի ուշ հայտնի դարձավ, որ նա հեռացվել է Ռուսաստանի իշխող «Եդինայա Ռոսիա» կուսակցությունից։ Հարձակվողների ստույգ թիվը հայտնի չէ։
