რუსეთის ფედერაციის დაღესტნის რესპუბლიკაში, ქალაქებში - დერბენტსა და მაჰაჩყალაში, მართლმადიდებლურ ეკლესიებსა და სინაგოგებზე თავდასხმა მოხდა. სულ მცირე 10 ადამიანი დაიღუპა, 25 კი დაშავდა. კონტრტერორისტული ოპერაციის დროს ხუთი თავდამსხმელი მოკლეს.
ახალი ამბები
მკითხველის რჩეული
- 1 სუს-ის ყოფილი უფროსი გრიგოლ ლილუაშვილი რეგიონული განვითარების მინისტრად აღარ დანიშნეს
- 2 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 3 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 4 გადაალაგეს, სუს-იც თან გაატანეს არჩევნების გაყალბების ფუნქციით - მეზვრიშვილი ლილუაშვილზე
- 5 რა წერია უცხოური გრანტების წინააღმდეგ „ქართული ოცნების“ კანონპროექტში
- 6 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
BBC-ის რუსული სამსახურის ინფორმაციით, კვირა საღამოს, უცნობმა პირებმა ავტომატებიდან გახსნეს ცეცხლი დერბენტში, ლენინის ქუჩაზე მდებარე ყოვლადწმიდა ღვთისმშობლის სახელობის ეკლესიასა და თაღიზადეს ქუჩაზე მდებარე სინაგოგაში. თავდასხმის შედეგად სინაგოგაში ხანძარი გაჩნდა.
პარალელურად უცნობებმა ცეცხლი გაუხსნეს მაჰაჩყალაში, ერმოშკინის ქუჩაზე მდებარე საგზაო პოლიციის განყოფილებას და იქვე მიმდებარე სინაგოგას. სროლა იყო ორჯონიკიძის ქუჩაზე, ღვთისმშობლის მიძინების საკათედრო ტაძართანაც.
რუსეთის საგამოძიებო კომიტეტმა სისხლის სამართლის საქმე „ტერორისტული აქტის“ მუხლით აღძრა.
დაღუპულთა და დაშავებულთა უმეტესობა პოლიციელია. ბოლო მონაცემებით, დაიღუპა 8 პოლიციელი და 13 დაშავდა.
დერბენტის ეკლესიაზე თავდასხმის დროს დეკანოზი ნიკოლაი კოტელნიკოვი და ეკლესიის დარაჯი მოკლეს. რუსეთის მართლმადიდებელ ეკლესიაში განაცხადეს, რომ კოტელნიკოვი 40 წელზე მეტი ხნის განმავლობაში მსახურობდა. გავრცელებული ინფორმაციით, მღვდელს ყელი გამოჭრეს.
მოკლული თავდამსხმელების ვინაობა ოფიციალურად არ გამჟღავნებულა. რუსული მედიის ცნობით, მათგან სამი დაღესტნის სერგოკალინსკის რაიონის ხელმძღვანელის ვაჟები და ძმისშვილი იყვნენ. მაგომედ ომაროვი დააკავეს და დაკითხვაზე გადაიყვანეს. მოგვიანებით ცნობილი გახდა, რომ ის რუსეთის მმართველი პარტიიდან, „ერთიანი რუსეთიდან“ გარიცხეს. თავდამსხმელთა ზუსტი რიცხვი უცნობია.
