Rusiya Federasiyasının Dağıstan Respublikasında, Dərbənd və Mahaçqala şəhərlərində pravoslav kilsələri və sinaqoqlara hücum edilib. Ən azı 10 nəfər həlak olub, 25 nəfər yaralanıb. Antiterror əməliyyatı zamanı beş hücumçu zərərsizləşdirilib.
Əsas xəbərlər
Oxucunun seçimi
- 1 Parlamentin plenar iclasına kvorum olmadığı üçün başlanıla bilməyib
- 2 İyul ayından müəllimlərin maaşları artacaq
- 3 Tələbə hərəkatının lideri Niko Manaqadzeyə TDU yaxınlığında hücum olunub
- 4 “Gürcü Legionu”nun komandiri Mamuka Mamulaşvili zəhərləndiyini bildirib
- 5 Ləğv edilən “laminatlı” şəxsiyyət vəsiqəsi ilə daha bir ay pensiya almaq mümkün olacaq
- 6 Avro-2024-də Gürcüstan yığması Türkiyəyə 3:1 hesabı ilə uduzub
“BBC” nin Rus Xidmətinin məlumatına görə, bazar günü axşam saatlarında naməlum şəxslər Dərbəndin Lenin küçəsindəki Müqəddəs Ana Kilsəsi və Tağızadə küçəsindəki sinaqoqa avtomatlardan atəş açıb. Hücum nəticəsində sinaqoqda yanğın baş verib.
Eyni zamanda naməlum şəxslər Mahaçqala şəhərinin Ermoşkini küçəsində yerləşən yol polisi bölməsinə və yaxınlıqdakı sinaqoqa da atəş açıblar. Atışma Orconikidze küçəsindəki məbəd yaxınlığında baş verib.
Rusiya İstintaq Komitəsi “terror aktı” maddəsi ilə cinayət işi açıb.
Ölən və yaralananların əksəriyyəti polisdir. Son məlumatlara görə, 8 polis həlak olub, 13-ü yaralanıb.
Dərbənd kilsəsinə hücum zamanı deakon Nikolay Kotelnikov və kilsə gözətçisi həlak olub. Rus Pravoslav Kilsəsi Kotelnikovun 40 ildən çox xidmət etdiyini bildirib. Məlumata görə, keşişin boğazı kəsilib.
Öldürülən hücumçuların kimliyi rəsmi olaraq açıqlanmayıb. Rusiya mətbuatının məlumatına görə, onlardan üçü Dağıstanın Serqokalinski rayonunun rəhbərinin oğulları və qardaşı oğlu olub. Maqomed Omarov tutularaq dindirilməyə aparılıb. Sonradan məlum olub ki, o, Rusiyanın hakim partiyası olan “Vahid Rusiya”dan xaric edilib. Hücum edənlərin dəqiq sayı məlum deyil.
