Դանիայի պաշտպանության նախարարությունը սկսում է նոր քառամյա նախագիծ՝ աջակցելու Վրաստանում խաղաղությանն ու կայունությանը։ Ծրագրով 27,12 մլն լարի է հատկացվում Վրաստանի պաշտպանական և շտապ օգնության հաստատությունների վերապատրաստման և հզորացման համար։
Լրահոս
Եվրոպական խորհուրդ. Վրաստանի կառավարության գործողությունները դե ֆակտո դադարեցնում են անդամակցության գործընթացը
Հաշմանդամ ակտիվիստը, ում տվյալները ներառվել են գործակալների ռեգիստրում, դատի է տվել արդարադատության նախարարությանը
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
«Եվրոպայում պատերազմի ժամանակ մեր անվտանգության համար կենսական նշանակություն ունի Ռուսաստանին սահմանակից Վրաստանի նման երկրների անվտանգության կայունացմանը նպաստելը: Դանիան արդեն իսկ զգալիորեն աջակցում է Ուկրաինայի ազատամարտին՝ թե՛ ռազմական առումով, թե՛ ֆինանսապես։ Վրաստանում մեր նոր ներդրմամբ մենք աջակցում ենք անվտանգության ամրապնդմանը Եվրոպայի արտաքին սահմանին»,- ասել է Դանիայի պաշտպանության նախարարի պաշտոնակատար Տրոելս Լունդ Պուլսենը։
Խաղաղության և կայունացման նոր ծրագիրը ներկայացնում է Դանիայի կողմից ՆԱՏՕ-ի աջակցության ուժեղացումն ու շարունակությունը Վրաստանին, որը վերջին տարիներին կենտրոնացել է Վրաստանի քաղաքացիական ճգնաժամային կառավարման կարողությունների զարգացման վրա: Դանիան նպաստել է նաև ՆԱՏՕ-Վրաստան համատեղ ուսուցման և գնահատման կենտրոնի գործունեության զարգացմանը։
«Ուկրաինայի պատերազմը ընդգծեց տարածաշրջանի երկրների ինքնիշխանության, խաղաղության և կայունության ապահովման կարևորությունը։ Դա վերաբերում է նաև Վրաստանին, որտեղ տարածաշրջանային կայունության ամրապնդումը վճռորոշ է ռուսական ագրեսիային հակազդելու համար»,- ասել է պաշտպանության նախարարի պաշտոնակատար Թրոելս Լունդ Պուլսենը։