დანიის თავდაცვის სამინისტრო ახალ ოთხწლიან პროექტს იწყებს საქართველოში მშვიდობისა და სტაბილიზაციის მხარდასაჭერად. პროექტი 27,12 მილიონ ლარს გამოყოფს საქართველოს თავდაცვისა და სასწრაფო დახმარების დაწესებულებების მომზადებისა და გაძლიერებისთვის.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„ევროპაში ომის დროს ჩვენი უსაფრთხოებისთვის სასიცოცხლოდ მნიშვნელოვანია, რომ წვლილი შევიტანოთ ისეთი ქვეყნების უსაფრთხოების სტაბილიზაციაში, როგორიც საქართველოა, რომელიც ესაზღვრება რუსეთს. დანია უკვე მნიშვნელოვნად უჭერს მხარს უკრაინის განმათავისუფლებელ ომს, როგორც სამხედრო, ასევე, ფინანსური თვალსაზრისით. საქართველოსთვის ჩვენი ახალი წვლილით მხარს ვუჭერთ უსაფრთხოების განმტკიცებას ევროპის გარე საზღვარზე“, - განაცხადა დანიის თავდაცვის მინისტრის მოვალეობის შემსრულებელმა ტროელს ლუნდ პულსენმა.
მშვიდობისა და სტაბილიზაციის ახალი პროგრამა წარმოადგენს დანიის მხრიდან ნატოს მხარდაჭერის გაძლიერებასა და გაგრძელებას საქართველოში, რომელიც ბოლო წლების განმავლობაში ფოკუსირებულია საქართველოს სამოქალაქო კრიზისების მართვის შესაძლებლობების განვითარებაზე. დანიამ ასევე შეიტანა წვლილი ნატო-საქართველოს ერთობლივი წვრთნისა და შეფასების ცენტრის საქმიანობის განვითარებაში.
„უკრაინის ომმა ხაზი გაუსვა რეგიონის ქვეყნების სუვერენიტეტის, მშვიდობისა და სტაბილურობის უზრუნველყოფის მნიშვნელობას. ეს ეხება საქართველოსაც, სადაც რეგიონული სტაბილურობის გაძლიერება გადამწყვეტია რუსული აგრესიის დასაპირისპირებლად“, - ამბობს თავდაცვის მინისტრის მოვალეობის შემსრულებელი ტროელს ლუნდ პულსენი.
