Թբիլիսիի քաղաքային դատարանի դատավոր Լելա Ցագարեիշվիլին ռուսական օրենքի դեմ բողոքի ցույցերի մասնակից Գիորգի Դումբաձեին օրինախախտ է ճանաչել և տուգանել է 5000 լարիով։ 18-ամյա ակտիվիստին ՆԳՆ-ն մեղադրում էր հավաքի կամ ցույցի անցկացման կանոնները խախտելու, մասնավորապես՝ խորհրդարանի շենքի դիմաց ճանապարհը փակելու համար։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
Փաստաբան Դիմիտրի Նոզաձեի խոսքով՝ ՆԳՆ-ն հեռուստատեսությամբ ցուցադրված կադրերն է որպես ապացույց ներկայացրել դատարան, ուստի չի հաստատվել, որ Գիորգի Դումբաձեն եղել է ճանապարհի փակման կազմակերպիչը։
«ՆԳՆ տրամաբանությամբ կազմակերպողը կարող է լինել մարդ, որը բարձրախոս ունի ձեռքին։ Թե ինչ չափորոշիչներով են որոշել, թե դա ինչով է դրսևորվում, չկարողացան պատասխանել։ Դատավորը չբավարարեց միջնորդությունը, իսկ արձանագրություն կազմող ոստիկանը դատարան չեկավ»,- ասել է իրավապաշտպանը։
Ցույցերին մասնակցելուց մի քանի շաբաթ անց քաղաքացիներից մի քանիսին հայտնի է դարձել, որ իրենց նկատմամբ վարչական իրավախախտման արձանագրություն է կազմվել։ Գիորգի Դումբաձեի դեպքում գործը վերաբերում է ապրիլի 24-ին ռուսական օրենքի դեմ իրականացված երթին։
«Ապրիլի 24-ին տեղի ունեցած դեպքերի առթիվ մայիսի 15-ին դատարանում հարուցվել է վարչական իրավախախտման գործ։
Ոստիկանները մեզ տեղում ոչ թե դիմադրություն ցույց տվեցին, այլ ընդհակառակը, ճանապարհը բացեցին, որպեսզի մենք անցնենք ճանապարհը։ Ես դատավորին ասացի, որ այնտեղ կազմակերպիչ չկա, մարդկանց պետք չէ կոչ անել, որ մենք անցնենք ճանապարհը։ Ճանապարհի փակումը առաջնահերթ խնդիր չէր, բայց դա մեզ համար երթի ճանապարհ էր։ Ասացինք նաև, որ ավտոբուսներ, շտապօգնության մեքենաներ և այլ մեքենաներ ենք թողել որ անցնեն։ Մեր նպատակը քաղաքացիների համար անհարմարություն ստեղծելը չէր։
Այնուամենայնիվ, կարևոր չէ, թե ով ինչ է ասում այս սենյակներում։ Որոշումները կայացվել են նախապես, և դատավորը մեզ հետ կիսվել է այն, ինչ հավանաբար իրեն ասել են մի քանի օր առաջ»,- քաղաքային դատարանում ասել է Գիորգի Դումբաձեն։
Թբիլիսիի քաղաքային դատարանում ընթանում է ռուսական օրենքի դեմ ակցիաների մասնակիցների դատավարությունը։ Այսօր լուսանկարիչ Լուկա Ղվինիաշվիլին տուգանվել է 2400 լարիով, իսկ Դիմիտրի Իոսելիանին ու Նիկոլոզ Ալխազաշվիլին 2400-ական լարիով։
Ոստիկանությունը շուրջ 200 մարդու վարչական կալանքի է ենթարկել օտարերկրյա գործակալների մասին ռուսական օրենքի դեմ ակցիաների համար։ Ոստիկանության աշխատակցի վրա հարձակում գործելու և գույքը վնասելու համար դատախազության կողմից քրեական պատասխանատվության է ենթարկվել 9 անձ։
![Վրաստանի լուրեր](/images/a2.png#joomlaImage://local-images/a2.png?width=80&height=80)