2023 թվականի դեկտեմբերին ամենաշատը՝ 70․58 միլիոն դոլարի դրամական փոխանցում է իրականացվել Ռուսաստանից, սակայն 2022 նույն ժամանակահատվածի համեմատ փոխանցված գումարը 4․5 անգամ (317.3 մլն դոլար) կրճատվել է: Դրա հետ մեկտեղ, 2021-ի դեկտեմբերին, նախքան Ռուսաստանի Ուկրաինա ներխուժումը, Ռուսաստանից Վրաստան է փոխանցվել 39․7 միլիոն դոլար։
Լրահոս
Ընթերցողի ընտրանի
- 1 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 2 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 3 Ստանո՞ւմ ես ֆինանսավորման ավելի քան 20%-ը դրսից, հայտարարագրի՛ր․ Լավրովը՝ «Երազանքի» ռուսական օրենքի մասին
- 4 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 5 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
- 6 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
Անցյալ տարվա դեկտեմբերին Վրաստանում դրամական փոխանցումների չափը կազմել է 308․3 միլիոն դոլար (828․1 միլիոն լարի): Ըստ Ազգային բանկի՝ նախորդ տարվա նույն ժամանակահատվածի համեմատ՝ փոխանցումները նվազել է 42.4%-ով (227.0 միլիոն դոլարով), հիմնականում Ռուսաստանից փոխանցումների նվազելու հաշվին:
2023 թվականի դեկտեմբերին Ռուսաստանից հետո ամենամեծ գումարը՝ 49․68 միլիոն դոլար, փոխանցվել է Իտալիայից: 2022 թվականի նույն ժամանակահատվածում այս ցուցանիշը կազմել է 43․2 միլիոն դոլար:
Իտալիային հաջորդում են Միացյալ Նահանգները: Դեկտեմբերին ԱՄՆ-ից Վրաստան է փոխանցվել 46․19 միլիոն դոլար: 2022 թվականի նույն ժամանակահատվածի համեմատ ԱՄՆ-ից դրամական փոխանցումներն աճել են 11․89 միլիոն դոլարով:
Հունաստանից Վրաստան իրականացվել է 22․65 միլիոն դոլարի դրամական փոխանցում, Գերմանիայից՝ 21․57 միլիոն դոլարի, Իսրայելից՝ 20․92 միլիոն դոլարի, Ղազախստանից՝ 14․79 միլիոն դոլարի, իսկ Թուրքիայից՝ 8 միլիոն դոլարի:
2023-ի դեկտեմբերին Վրաստանից արտերկիր է ուղարկվել է 34 միլիոն դոլար (91.4 միլիոն լարի), ինչը 0․6%-ով ավելին է, քան 2022 թվականի տվյալները (33․8 միլիոն դոլար): Գումարի մեծ մասը փոխանցվել է Թուրքիա` 6․8 միլիոն դոլար: Թուրքիային հաջորդում է Ռուսաստանի Դաշնությունը, որտեղ Վրաստանից փոխանցվել է 6․6 միլիոն դոլար, Ադրբեջան՝ 3․5 միլիոն դոլար և Ուկրաինա՝ 2․4 միլիոն դոլար։
