2023-cü ilin dekabrında 70,58 milyon dollar məbləğində ən çox pul köçürmələri Rusiyadan daxil olub, lakin, 2022-ci ilin eyni dövründəki köçürmə məbləği (317,3 milyon dollar) ilə müqayisədə 4,5 dəfə azalıb. Bundan əlavə, 2021-ci ilin dekabrında Rusiyanın Ukraynaya təcavüzündən əvvəl Rusiyadan Gürcüstana 39,7 milyon dollar göndərilib.
Əsas xəbərlər
Ötən ilin dekabrında Gürcüstana daxil olan pul köçürmələrinin ümumi məbləği 308,3 milyon ABŞ dolları (828,1 milyon lari) təşkil edib. Milli Bankın məlumatına görə, ötən ilin müvafiq dövrü ilə müqayisədə pul köçürmələri 42,4% (227,0 milyon dollar) azalıb ki, bu da əsasən Rusiyadan pul köçürmələrinin azalması hesabına baş verib.
2023-cü ilin dekabrında Rusiyadan sonra ən böyük məbləğ, 49,68 milyon dollar İtaliyadan köçürülüb. 2022-ci ilin eyni dövründə bu rəqəm 43,2 milyon dollar olub.
İtaliyadan sonra Amerika Birləşmiş Ştatları gəlir. Dekabrda ABŞ-dan Gürcüstana 46,19 milyon ABŞ dolları köçürülüb. 2022-ci ilin eyni dövrü ilə müqayisədə ABŞ-dan pul köçürmələri 11,89 milyon dollar artıb.
Yunanıstandan 22,65 milyon dollar, Almaniyadan 21,57 milyon dollar, İsraildən 20,92 milyon dollar, Qazaxıstandan 14,79 milyon dollar, Türkiyədən isə 8 milyon dollar pul köçürməsi həyata keçirilib.
2023-cü ilin dekabrında Gürcüstandan xaricə 34 milyon dollar (91,4 milyon lari) göndərilib ki, bu da 2022-ci ilin dekabr ayının analoji göstəricisindən (33,8 milyon dollar) 0,6% çoxdur. Ən böyük məbləğ Türkiyəyə köçürülüb - 6,8 milyon dollar. Türkiyədən sonra Gürcüstandan 6,6 milyon dollar köçürülən Rusiya gəlir, Azərbaycana 3,5 milyon dollar və Ukraynaya isə 2,4 milyon dollar köçürülüb.
