Թբիլիսիի Բեսիկի փողոցում ուղիղ եթերի ժամանակ հարձակման է ենթարկվել «Պիրվելի» հեռուստաընկերության նկարահանող խումբը։ Դիմակավորված անձինք ֆիզիկական բռնություն են գործադրել լրագրող Մակա Չիխլաձեի և օպերատոր Գիորգի Շեծիրուլիի նկատմամբ։ Օպերատորը դաժան ծեծի է ենթարկվել։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
Հարձակումը տեղի է ունեցել այն պահին, երբ «TV Պիրվելի»-ի նկարահանող խումբը նկարահանել է դիմակավորված անձանց կողմից քաղաքացիներին ծեծի ենթարկելը։
«Այդ հանցագործության կատարման ողջ պատասխանատվությունը կրում է Ներքին գործերի նախարարությունը և վարչապետը»,- ասել է հեռուստաընկերության տեղեկատվական ծառայության ղեկավար Նոդար Մելաձեն։
Ինչպես ասում է Մելաձեն, իրեն հայտնել են, որ բռնի դիմակավորված անձինք քաղաքացիական համազգեստով քողարկված հատուկ ջոկատայիններ են։
Մակա Չիխլաձեին և Գիորգի Շեծիրուլիին շտապ բուժօգնության բրիգադը տեղափոխել է բուժհաստատություն։
Հարձակման ուղիղ հեռարձակումից ավելի քան մեկ ժամ անց ոստիկանները չեն ժամանել հանցագործության վայր։
