ტელეკომპანია „პირველის“ გადამღებ ჯგუფს თბილისში, ბესიკის ქუჩაზე, პირდაპირ ეთერში თავს დაესხნენ. ნიღბიანი პირები ფიზიკურად გაუსწორდნენ ჟურნალისტ მაკა ჩიხლაძეს და ოპერატორ გიორგი შეწირულს. ოპერატორი სასტიკად არის ნაცემი.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 დღეს ვინც შევა პარლამენტში, შევა რუსეთში - ზურაბიშვილი
- 4 პუტინის თქმით, საქართველოს ხელისუფლების სიმამაცით გაკვირვებულია
- 5 ოპოზიციური პარტიები 24 ნოემბერს პარლამენტთან აქციას და ღამისთევას აანონსებენ
- 6 პარლამენტი აღარ არსებობს, რადგან ერთმა პარტიამ თავზე დაიხია კონსტიტუცია - ზურაბიშვილი
თავდასხმა იმ დროს მოხდა, როდესაც „ტვ პირველის“ გადამღები ჯგუფი ნიღბიანი პირების მიერ მოქალაქეების ცემას იღებდა.
„ჩვენ გვქონდა ინფორმაცია, რომ აქ „ტიტუშკები“ თავს ესხმოდნენ აქციის მონაწილეებს, რომლებსაც არ აძლევდნენ აქციამდე მისვლის შესაძლებლობას. მოვედით თუ არა, ხელჩართული ბრძოლა იყო და, რა თქმა უნდა, გადაღება დავიწყეთ. გამოცვივდა რამდენიმე ადამიანი, ალბათ, ჯამში, 30-ზე მეტნი იყვნენ - ეკეთათ შავი ნიღბები, მათი იდენტიფიცირება შეუძლებელია - მე დამეტაკნენ, წამაქციეს, მირტყეს, „შე ბო*ო რას იღებ“ - ზუსტად ასე მომმართავდნენ“, - მაკა ჩიხლაძის თქმით, იმ ადგილის სიახლოვეს, სადაც თავდასხმა მოხდა, საპატრულო პოლიციის ეკიპაჟი იყო გაჩერებული.
„მთელი პასუხისმგებლობა ამ დანაშაულის ჩადენაზე ეკისრება შინაგან საქმეთა სამინისტროს და პრემიერ-მინისტრს“, - განაცხადა ტელეკომპანიის საინფორმაციო სამსახურის უფროსმა, ნოდარ მელაძემ.
როგორც მელაძე ამბობს, მას მიაწოდეს ინფორმაცია, რომ მოძალადე ნიღბიანები სამოქალაქო ფორმაში გადაცმული სპეცრაზმელები იყვნენ.
მაკა ჩიხლაძე და გიორგი შეწირული სასწრაფო სამედიცინო დახმარების ბრიგადამ ინგოროყვას კლინიკაში გადაიყვანა.
პირდაპირ ეთერში მომხდარი თავდასხმიდან ერთი საათზე მეტის გასვლის შემდეგ, დანაშაულის ადგილზე პოლიცია არ გამოჩენილა.
„პირველის“ ინფორმაციით, ნიღბიანებს ტელეკომპანიის კუთვნილი აპარატურა აქვთ გატაცებული.
