Նիդերլանդների ԶԼՄ-ները կարգավորող մարմինը հեռարձակման թույլտվություն է տվել ռուսական ընդդիմադիր «Դոժդ» հեռուստաընկերությանը։ Որոշումն ընդունվել է դեկտեմբերի 22-ին, սակայն այս մասին տեղեկությունը Լատվիայի ռադիոյի կողմից տարածվել է երեկ՝ հունվարի 9-ին, որը ենթադրում է, որ ԵՄ անդամ երկրում լիցենզիա ստանալը, «Դոժդ»-ին թույլ կտա հեռարձակել իր հաղորդումները կաբելային հեռուստատեսային ցանցերով ԵՄ բոլոր երկրներում, ներառյալ Լատվիայում, որտեղ այն փակվեց դեկտեմբերի սկզբին։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Նիդերլանդների ազգային կարգավորող մարմնի (Commissariaat voor de Media) որոշման համաձայն, TVR Studios B.V. ընկերությունը 5 տարի ժամկետով թույլտվություն է ստացել 2022 թվականի դեկտեմբերի 22-ից հեռուստատեսային հեռարձակման կոմերցիոն ծառայություն մատուցելու «Դոժդ»-ի (TV Rain) անվանումով։ Հեռուստաընկերության գլխավոր տնօրեն Նատալյա Սինդեևան և գլխավոր խմբագիր Տիխոն Ձիադկոն դեռևս չեն մեկնաբանել այս հարցը։
2022 թվականի դեկտեմբերի 6-ին Լատվիայի Էլեկտրոնային լրատվամիջոցների ազգային խորհուրդը Լատվիայի տարածքում չեղարկել է «Դոժդ»-ի հեռարձակման լիցենզիան, ինչը խորհրդի նախագահ Իվարս Աբոլինսը բացատրել է «ազգային անվտանգության և հասարակական կարգի սպառնալիքներով»։ Տիխոն Ձիադկոն որոշումն անվանել է «աբսուրդային»։ Ավելի ուշ հեռուստաընկերությունը դադարեցրեց հեռարձակումը նաև Լիտվայում և Էստոնիայում։
«Լրագրողների պաշտպանության կոմիտե» միջազգային կազմակերպությունը, որը կարծում է, որ լիցենզիայի չեղարկումը պետք է արվի միայն որպես վերջին միջոց, կոչ էր անում Լատվիայի իշխանություններին չեղարկել իրենց որոշումը և շարունակել հյուրընկալել լրատվամիջոցին և նրա լրագրողներին, որոնք «հակառակ դեպքում կարող են դառնալ ավելի հեշտ թիրախներ Ռուսաստանի իշխանությունների համար»:
