Մեքենայով հետիոտնին վրաերթի ենթարկելու և նրան անօգնական վիճակում թողնելու մեջ մեղադրվող ՆԳ նախարարության աշխատակից Թամազ Բրաճուլիի նկատմամբ որպես խափանման միջոց է կիրառվել կալանքը։

Լրահոս

Ընթերցողի ընտրանի

Գորիի շրջանային դատարանի դատավոր Գերմանե Դադեշքելիանին չի բավարարել 20 հազար լարի գրավի դիմաց մեղադրյալին ազատ արձակելու փաստաբանի միջնորդությունը։

Ճանապարհատրանսպորտային պատահարը տեղի է ունեցել Դուշեթի քաղաքի մուտքի մոտ փետրվարի 6-ի գիշերը։ Գործի նյութերի համաձայն՝ Թամազ Բրաճուլին, ով վարել է սեփական մեքենան, խախտել է ճանապարհային երթևեկության կանոնների պահանջները, չի ապահովել անվտանգ երթևեկությունը և վրաերթի է ենթարկել հետիոտնին։ Մեղադրող կողմը պնդում է, որ դրանից հետո վարորդը հետիոտնին թողել է կյանքին վտանգ սպառնացող վիճակում, դեպքի վայրից դիմել է փախուստի և թաքցրել մեքենան։

«Մեղադրյալը լքել է տուժողին և հենց այս լքելուց հետո է նա մահացել։ Մահացածը վնասվածքներ է ստացել, այդ թվում՝ գլխի վնասվածքներ։ Դիակի բժշկական փորձաքննություն է անցկացվում»,- ասել է դատախազ Նինո Զուրաբաշվիլին։

Թամազ Բրաճուլին ձերբակալվել է փետրվարի 9-ին։ Նրան մեղադրանք է առաջադրվել քրեական օրենսգրքի 128-րդ հոդվածի և 276-րդ հոդվածի 6-րդ մասի հատկանիշներով, ինչը ենթադրում է ծանր իրավիճակու մարդուն լքել և ճանապարհային երթևեկության անվտանգության կանոնների խախտում, որն առաջացրել է մարդկային զոհ։ Թամազ Բրաճուլին համաձայն չէ առաջադրված մեղադրանքի հետ։ Ինչպես ինքն է ասում, «տեսողությունը -2» է, և դրա պատճառով հետիոտնին չի նկատել։ Նա հերքում է, որ թաքնվել է ու թաքցրել է մեքենան։

Գործով նախաքննական նիստը նշանակվեց ապրիլի 5-ին։

Ըստ ընտանիքի անդամների՝ Թամազ Բրաճուլին 25 տարի աշխատել է Դուշեթիի ժամանակավոր  մեկուսարանում։

Վրաստանի լուրեր
Վրաստանի լուրեր
Անկախ, հասարակական-քաղաքական առցանց հրատարակություն: Կայքը ղեկավարում է Տեղեկատվական ռեսուրսների ցանցը (IRN):