Չեխ զբոսաշրջիկ Ստանիսլավ Կոսկիսը, ով արշավի է գնացել Սամեգրելոյի շրջանի Տոբավարչխիլիի լճերում, անհետ կորել է։ Այս մասին սոցցանցում տեղեկություն է տարածել Trekking in the Caucasus էջը։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 «Մենք գիտենք, թե դա ինչ է». Ալիևը՝ Վրաստանում ոչ կառավարական կազմակերպությունների ֆինանսավորման մասին
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
Ըստ առկա տեղեկությունների՝ Կոսկիսը ծրագրում էր այցելել Տոբավարչխիլիի լճեր Ծալենջիխայի մունիցիպալիտետի Սկուրի հանգստավայրից, այնուհետև տեղափոխվել Սվանեթիի Խաիշի գյուղ։ Արշավորդին վերջին անգամ տեսել են սեպտեմբերի 28-ին, Կիրնախոնա ճամբարում։
«Այն դեպքում, եթե ինչ-որ մեկն այցելել է Տոբավարչխիլիի լճերի տարածք սեպտեմբերի վերջին կամ հոկտեմբերի սկզբին (կամ գիտի մեկին, ով դա արել է) և հանդիպել նրան, նրա գտնվելու վայրի կամ ճամփորդական ծրագրերի մասին ցանկացած լրացուցիչ տեղեկություն ունի, որը կօգնի մեզ գտնել նրան, մեծապես գնահատելի կլինի», - ասվում է Trekking in the Caucasus-ի տարածած հայտարարության մեջ։
Էջի ադմինիստրատորը «Վրաստանի լուրերին» հայտնել է, որ անհետ կորածի մասին իրենք տեղեկացել են երեկ՝ հոկտեմբերի 10-ին, և կապվել Չեխիայի դեսպանատան հետ, իսկ դեսպանատունը տեղեկությունը փոխանցել է ՆԳՆ։ ՆԳՆ-ից հայտնում են, որ գործը հարուցվել է Քրեական օրենսգրքի 143-րդ հոդվածով, ինչը նշանակում է ապօրինի ազատազրկում։
Տոբավարչխիլ լճերի երթուղին Վրաստանի ամենադժվար հետիոտնային արահետների շարքում առաջինն է։ Երթուղին անցնում է մի քանի լճերով և լեռնանցքներով։ Դիդի Տոբայից մինչև Խաիշի գտնվում է Լակումուրաշ Տոբան։ 12 կմ երկարությամբ նեղ արահետն անցնում է զառիթափ լանջերով:
