«2024 թվականին Վրաստանում իրավապաշտպանները բախվեցին բռնաճնշումների ալիքի, որը թուլացման նշաններ ցույց չի տալիս»,- ասվում է իրավապաշտպանների իրավիճակի հարցերով ՄԱԿ-ի հատուկ զեկուցող Մերի Լոուլորի՝ սեպտեմբերի 5-ին տարածած հայտարարության մեջ։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Մերի Լոուլորն ասում է, որ 2023 թվականի վերջին, երբ նա ժամանել էր Վրաստան՝ ուսումնասիրելու իրավապաշտպանների միջավայրը, իրավիճակը «անդունդի եզրին» էր, և այդ ժամանակից ի վեր այն կտրուկ վատթարացել է՝ մարդու իրավունքների պաշտպանները թիրախում են հայտնվել ռուսական օրենքի ընդունման ժամանակ։ Ինչպես նշում է նա, չնայած երկրում զանգվածային բողոքի ցույցերին, մայիսի 28-ին ընդունած օրենքով Վրաստանը խախտում է միավորումների և արտահայտվելու ազատությունը պաշտպանելու իր պարտավորությունները։
«Այն պահից ի վեր, երբ կառավարությունը խորհրդարանի միջոցով ներկայացրեց «Օտարերկրյա գործակալների մասին օրենքը», մարդու իրավունքների պաշտպանները ենթարկվեցին դաժան, նպատակային հարձակման: Նրանք ֆիզիկական հարձակման են ենթարկվել, սպառնալից հեռախոսազանգեր են ստացել, իրավապաշտպան կազմակերպությունները և նրանց առանձին անդամները սպառնալից և զրպարտչական գրությունների են հանդիպել գրասենյակների և իրենց տների վրա», - ասել է Լոուլորը:
Հատուկ զեկուցողն ընդգծել է, որ այս հարձակումները մնացել են անպատիժ և, որոշ դեպքերում, թվում է, թե խրախուսվել են բարձրաստիճան պետական պաշտոնյաների հրապարակային հայտարարություններով: Մերի Լոուլորը որպես օրինակ է բերում «Ամոթ է» շարժման հիմնադիրներից մեկի՝ Զուկա Բերձենիշվիլիի վրա կատարված դաժան հարձակումը և նշում, որ դա տեղի է ունեցել այն բանից հետո, երբ Վրաստանի խորհրդարանի նախագահ Շալվա Պապուաշվիլին մեղադրել է Բերձենիշվիլիին և մյուսներին, ովքեր դեմ են «օտարերկրյա գործակալներ» մասին օրենքին։
Կառավարության ներկայացուցիչների և իշխող կուսակցության անդամների կողմից իրավապաշտպանների հրապարակային նսեմացումը՝ նրանց ժողովրդի թշնամիներ անվանելը, շարունակում է մնալ Վրաստանում լուրջ խնդիրը։ Այս հայտարարությունները խթան և լեգիտիմություն են հաղորդում իրավապաշտպանների դեմ հարձակումներին, իսկ Վրաստանի համատեքստում գնալով ավելի պարզ է դառնում, որ դա հենց այն է, ինչ նրանք մտադրվել են»։
Հատուկ զեկուցողը հայտարարել է, որ պետք է վերջ դրվի իրավապաշտպանների նկատմամբ կանխամտածված և շարունակական բռնաճնշումներին։ Նա կոչ է արել Վրաստանի կառավարությանը փոխել ուղղությունը և դիտարկել Մարդու իրավունքների խորհրդին տարեսկզբի զեկույցում պարունակվող առաջարկությունների կատարումը՝ կապված իրավապաշտպանների իրավիճակի շտկման և բարելավման հետ։
