Վրաստանում Ուկրաինայի դեսպանի պաշտոնակատար Անդրի Կասյանովը քննադատել է «Վրացական երազանքի» նախագահ Իրակլի Կոբախիձեին, ով ասել էր, որ Ռուսաստանն առավելություն ունի Ուկրաինայում շարունակվող պատերազմում։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
«Ցավոք, մեզ չզարմացրեց մի քաղաքական գործչի հերթական անպատասխանատու հայտարարությունը, ով իրեն անվանում է վրացի քաղաքական գործիչ: Ժամանակին նա կամովին զիջել է վրաց ժողովրդի կողմից իրեն վստահված Վրաստանի խորհրդարանի նախագահի բարձր աթոռը ոչ պիտանի ՌԴ Պետդումայի պատգամավորին:
Սակայն մենք չենք կարող անտեսել իշխանամետ մեծամասնության գործող պատգամավորների հայտարարությունները, որոնք ձևավորում են վրացական կառավարության և իշխանության քաղաքականությունը։ Մենք դատապարտում ենք այն փաստը, որ «Վրացական երազանքի» առանձին գործող պատգամավորը շարունակում է պարել ռուս ռազմական հանցագործ Շոյգուի նվագածի տակ՝ ուկրաինացի ժողովրդի և վրաց բնակչության արյան վրա։
Նման բազմոցի գեներալներին խորհուրդ կտանք անդրադառնալ աշխարհագրության և երկրաչափության դասագրքերին, որպեսզի հասկանան, թե ինչ տարածքներ և ինչ կարևոր քաղաքներ են ազատագրել Ուկրաինայի զինված ուժերը Ռուսաստանի կողմից սկսված անխնա պատերազմի այս մեկ տարում»,- ասել է Կասյանովը լրատվամիջոցներին:
Նրա խոսքով՝ Ուկրաինան օկուպացիայից ազատել է իր ինքնիշխան տարածքի ավելի քան 80 հազար քառակուսի կիլոմետրը, հազարավոր քաղաքներ և գյուղեր, այդ թվում՝ Խերսոնը՝ «Ուկրաինայի միակ տարածաշրջանային կենտրոնը, որը ռուս զավթիչներին հաջողվել է գրավել Ուկրաինա մասշտաբային ներխուժում սկզբում»:
Անդրի Կասյանովը նշել է, որ «Ռամշտայն» ձևաչափով Ուկրաինային աջակցության կոնտակտային խմբի 9-րդ հանդիպմանը ԱՄՆ ԶՈւ շտաբի պետերի միացյալ շտաբի գեներալ Մարկ Միլին հայտարարել է, որ Ռուսաստանն արդեն պարտվել է պատերազմում՝ ռազմավարական, օպերատիվ և տակտիկական տեսանկյունից և ամեն օր ծանր գին է վճարում մարտի դաշտում։
«Պուտինը կարծում էր, որ Ուկրաինան հեշտ զոհ է և անպատիժ կմնա, բայց նա և իր ռազմական խունտան չարաչար սխալվեցին։ Ուկրաինան մնում է ազատ և անկախ՝ ոգեշնչելով ողջ աշխարհին իր քաջությամբ և ճկունությամբ։ ՆԱՏՕ-ն և կոալիցիան երբեք այնքան միասնական, մոտիվացված և ուժեղ չեն եղել, որքան հիմա: Ռուսաստանը համաշխարհային վտարանդի է: Բոլոր նախկին գործընկերներն ու դաշնակիցները երես են թեքել դրանից, և նրա կարգավիճակն ընկել է Հյուսիսային Կորեայի և Իրանի նման համաշխարհային օտարացված երկրների մակարդակին: Ուստի, ռազմաճակատում տեղի ունեցող զարգացումների հետ կապված, ես խստորեն խորհուրդ եմ տալիս օգտագործել Ուկրաինայի զինված ուժերի գլխավոր շտաբի պաշտոնական տեղեկատվությունը, այլ ոչ թե ռուսական քարոզչության ստերը»,- ասել է Կասյանովը։
Փետրվարի 24-ին, լրացավ Ուսաստանի Ուկրաինա ներխուժման և լայնամասշտաբ պատերազմի մեկնարկի մեկ տարին։ Ինչպես նախագահ Վլադիմիր Զելենսկին է ասել բնակչությանը ուղղված իր ուղերձում, դա տոկունության, հոգատարության, արիության, ցավի, հույսի, միասնության և անպարտելիության տարի էր, որի հիմնական արդյունքն այն է, որ Ուկրաինան դիմացավ և չպարտվեց։ Զելենսկիի խոսքով՝ Ուկրաինան ամեն ինչ կանի 2023 թվականին հաղթելու համար։