Հայաստանի արտաքին գործերի նախարարությունը Բելառուսից դեսպան Ռազմիկ Խումարյանին խորհրդակցությունների է կանչել Երևան։ Ավելի վաղ երկրի վարչապետ Նիկոլ Փաշինյանը հայտարարել էր, որ ոչ ինքը, ոչ Հայաստանի որևէ պաշտոնական ներկայացուցիչ չի գնա Բելառուս, քանի դեռ այդ երկրի ղեկավարը Ալեքսանդր Լուկաշենկոն է։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Հավաքական անվտանգության պայմանագրի կազմակերպության (ՀԱՊԿ) անդամ երկրներից մեկի ղեկավարը հայտարարում է, որ մասնակցել է պատերազմի նախապատրաստմանը, քաջալերել է Ադրբեջանին, հավատացել է դրան և հաղթանակ մաղթել։ Ու դրանից հետո Բելառուսի ղեկավարի հետ գնալու եմ ՀԱՊԿ ֆորմատով բան քննարկելո՞ւ։ Հայտարարում եմ, որ այսուհետև չեմ մեկնի Բելառուս, քանի դեռ նախագահ է Ալեքսանդր Լուկաշենկոն։ Եվ ընդհանրապես, ես հայտարարում եմ, որ այսուհետ Հայաստանի ոչ մի պաշտոնական ներկայացուցիչ Բելառուս չի գնա»,- ասել է ՀՀ վարչապետը։
Մայիսի կեսերին Բաքու կատարած այցի ժամանակ Լուկաշենկոն Լեռնային Ղարաբաղի պատերազմն անվանել է «ազատագրական» և ասել, որ պատերազմից առաջ դրա արդյունքները քննարկել է Ադրբեջանի նախագահ Իլհամ Ալիևի հետ։ «Ճաշի ժամանակ մենք փիլիսոփայական քննարկում ունեցանք։ Հետո եկանք այն եզրակացության, որ պատերազմում հնարավոր է հաղթել։ Սա կարևոր է։ Շատ կարևոր է հաղթել»,- մայիսի 16-ին ասել է Բելառուսի ղեկավարը։
Մայիսի 13-ին Politico-ն, հիմնվելով արտահոսած փաստաթղթերի վրա, գրել է, որ 2018-2022 թվականներին՝ Լեռնային Ղարաբաղի հակամարտության սրման ժամանակ, Բելառուսը Ադրբեջանին զենք և ռազմական օգնություն է մատակարարել։ Բացի այդ, Politico-ին հայտնի դիվանագիտական հաղորդակցություններից մեկում ասվում է, որ բելառուսական ձեռնարկությունները ակտիվ դեր են խաղում «Ադրբեջանի ապաօկուպացված տարածքների վերակառուցման, ինչպես նաև բելառուսական ապրանքների և ծառայությունների արտահանման գործում»: Փորձագետների կարծիքով՝ դժվար թե Բելառուսը, որը Ռուսաստանի ամենամոտ դաշնակիցներից է, գործեր առանց Կրեմլի աջակցության։
Ի պատասխան՝ Բելառուսը հետ է կանչել Հայաստանից իր դեսպան Անատոլի Գլազին։
Հայաստանի և Ադրբեջանի միջև տարածքային վեճը շարունակվում է 1980-ականների վերջից։ 2020 թվականի աշնանը իրավիճակը տարածաշրջանում սրվեց և վերածվեց ռազմական գործողությունների։ Վեցշաբաթյա պատերազմը, որը երկու կողմերից խլեց ավելի քան 6 500 կյանք, ավարտվեց Ռուսաստանի միջնորդությամբ կնքված համաձայնագրով: Արդյունքում Ադրբեջանը վերահսկողություն սահմանեց Լեռնային Ղարաբաղի և նրա հարակից տարածքների զգալի մասի վրա։ 2022 թվականի սեպտեմբերի 13-14-ը Հայաստանի տարածք Ադրբեջանի ներխուժման ժամանակ երկու կողմից զոհվել է ընդհանուր առմամբ 300 զինվոր։ Տարեվերջից Ադրբեջանը սկսեց Ղարաբաղի շրջափակումը, իսկ 2023 թվականի սեպտեմբերի 19-ին անցկացրեց «հակաահաբեկչական գործողություն», որն ավարտվեց «Լեռնային Ղարաբաղի Հանրապետության» կապիտուլյացիայով։ 2024 թվականի հունվարի 1-ից դե ֆակտո հանրապետությունը դադարեց գոյություն ունենալ, և Ադրբեջանը հայտարարեց իր տարածքային ամբողջականության վերականգնման մասին։ Հայաստանի տվյալներով՝ ավելի քան 100 հազար հայ ստիպված լքել է Լեռնային Ղարաբաղը։ Նիկոլ Փաշինյանը պատերազմի ժամանակ անգործության մեջ է մեղադրել Ռուսաստանին և Հավաքական անվտանգության պայմանագրի կազմակերպությանը (ՀԱՊԿ)։
