«Մենք պետք է ճիշտ կողմնորոշումներ սահմանենք հաջորդ սերնդի համար։ Կարևոր է մեր երիտասարդության մեջ բարձրացնել համընդհանուր հայրենասիրական ոգին, այս նպատակով ավելի շատ տեղեկատվություն է պետք, մենք պետք է տարբերությունը ցույց տանք մեր երիտասարդությանը։ Կարծում եմ, որ շատ կարևոր է ոչ միայն ընտանիքի դերը, այլև կրթության նախարարության, բանակի, եկեղեցու դերը ձեր դաստիարակության գործում, ճիշտ կողմնորոշումը որոշելու հարցում»,- ասել է Վրաստանի վարչապետ Իրակլի Ղարիբաշվիլին՝ «Բանակային ճամբարի» մասնակից աշակերտների հետ հանդիպման ժամանակ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Ղարիբաշվիլիի խոսքով՝ «ճիշտ արժեքների, ընտանեկան արժեքների քարոզումը» պետք է սկսել մանկապարտեզներից ու դպրոցներից։
«Այսօրվա աշխարհում, բնականաբար, Վրաստանն այս գլոբալացման մի մասն է, մեր երիտասարդների համար շատ գայթակղություններ կան, ուստի երիտասարդները պետք է ի սկզբանե ճիշտ կողմնորոշում սահմանեն։ Իհարկե, մեր պետության դերն այս գործընթացում շատ կարևոր է։
Իհարկե, նախ ընտանիքը, իսկ հետո՝ պետությունը։ Քանի որ դուք մեծ դեր եք տալիս դպրոցում լինելուն, իհարկե, կրթության նախարարության ներգրավվածությունը և նրանց դերը շատ կարևոր է»,- ասել է Ղարիբաշվիլին։
Կրթության և գիտության նախարար Գիորգի Ամիլախվարին ասել է, որ վարչապետի հանձնարարականով արդեն աշխատում են ուսումնական պլանի վերանայման ուղղությամբ։
«Նախարարությունն ակտիվորեն սկսել է աշխատել ուսումնական պլանի վերանայման և կատարելագործման ուղղությամբ՝ հստակ և լավ ներկայացնելու այնպիսի ուղղություններ, ինչպիսիք են Վրաստանի պատմությունը, օրինակ՝ եկեղեցու պատմությունը, որտեղ կա հայրենասիրական ոգի, որտեղ կան պատմություններ մեր հերոսների մասին, քանի որ մենք կարծում ենք, որ սա այն կարևոր սկիզբն ու հիմքն է, ինչպես նաև այլ բաներ, որոնք ի վերջո մեզ դարձնում են այնպիսի մարդիկ, այնպիսի հայրենասերներներ, ինչպիսին մենք բոլորս ցանկանում ենք, որ լինեն մեր երեխաները: Համոզված եմ, որ այս երեխաները և ոչ միայն այս երեխաները, շատ ուրիշներ, որոնք ներգրավված են այս ծրագրում, կստանան համապատասխան ոգի»,- ասել է ԿԳ նախարար Գիորգի Ամիլախվարին։
«Բանակային ճամբար» նախագիծն այս տարի առաջին անգամ իրականացվում է պաշտպանության նախարարության, կրթության և գիտության նախարարության և պատրիարքարանի կողմից։ Դրա նպատակը երիտասարդության շրջանում հայրենասիրական ոգու բարձրացումն ու պաշտպանության ուժերի հանրահռչակումն է։ Ինչպես ասել է Իրակլի Ղարիբաշվիլին, ճամբարին կմասնակցի 800 աշակերտ. «Մենք պետք է ընդլայնենք այս նախագիծը։ Այս տարի մենք սկսել ենք 800 աշակերտով, բայց կարծում եմ, որ մի քանի հազար աշակերտ պետք է բերենք բանակ»,- ասել է վարչապետը։
