Վրաստանի կառավարության որոշմամբ, ֆաշիզմի դեմ տարած հաղթանակի 79-րդ տարեդարձի կապակցությամբ Երկրորդ համաշխարհային պատերազմի մասնակիցները կստանան միանվագ 2000 լարի, իսկ պատերազմում զոհվածների ընտանիքի անդամները՝ 1000 լարի։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Վարչապետ Իրակլի Կոբախիձեի ստորագրած հրամանագրի համաձայն՝ Վետերանների գործերի պետական ծառայությունը մայիսի 5-ից ոչ ուշ պետք է սոցիալական ծառայությունների գործակալությանը տրամադրի Վրաստանի ողջ տարածքում, իսկ Թբիլիսիի քաղաքապետարանին՝ Թբիլիսիի մունիցիպալիտետում գրանցված Երկրորդ համաշխարհային պատերազմի մասնակիցների և Երկրորդ համաշխարհային պատերազմում զոհվածների ընտանիքի անդամների տվյալները։
Անցած տարիներին Երկրորդ համաշխարհային պատերազմի մասնակիցներին որպես միանվագ օգնություն հատկացվել է 1000 լարի, իսկ մահացածի ընտանիքի անդամներին՝ 500 լարի։ Ընտանիքի անդամներից են Երկրորդ համաշխարհային պատերազմում զոհվածի ամուսինը/կինը և մանկուց հաշմանդամություն ունեցող երեխան, որոնք գրանցված են Վետերանների գործերի պետական ծառայության տվյալների բազայում։
2023 թվականի տվյալներով Վրաստանում ապրում է Երկրորդ համաշխարհային պատերազմի 114 մասնակից։ Վետերանների գործերի պետական ծառայության տվյալներով՝ մեծ մասը հարյուր տարեկանից ավելի տարիք ունի: Նրանցից ամենատարեցը Զեստափոնիի մունիցիպալիտետի 104-ամյա բնակիչ Ալեքսանդր Բուսկիվաձեն է։
Մայիսի 9-ին Վրաստանում նշում են Ֆաշիզմի դեմ հաղթանակի օրը։ Երկրորդ համաշխարհային պատերազմը սկսվել է 1939-ին և ավարտվել 1945-ին՝ ֆաշիստական Գերմանիայի զինված ուժերի՝ Վերմախտի կապիտուլյացիայով։ Եվրոպայում պատերազմական դրությունն ավարտվել է 1945 թվականի մայիսի 8-ին, Մոսկվայի ժամանակով՝ մայիսի 9-ին, իսկ Ասիայում՝ 1945 թվականի սեպտեմբերի 2-ին՝ Ճապոնիայի կապիտուլյացիայից հետո։ Պատերազմում զոհվել է մոտ 50 միլիոն մարդ։ Վրաստանից խորհրդային բանակ է զորակոչվել ավելի քան 700 հազար զինվոր, նրանցից ավելի քան 300 հազարը ռազմաճակատից ողջ չի վերադարձել։ Երկրորդ համաշխարհային պատերազմում նախկին Խորհրդային Միության հանրապետություններից ամենամեծ թվով զոհերն ունեցել է Վրաստանը։
