Կազբեգիում, Մղինվարծվերի (Կազբեկ) լեռան վրա հայտնաբերվել է երկու լեռնագնացի դի։ Լեռ բարձրացող անձանց դիակները, որոնք հավանաբար Ռուսաստանի կողմից այնտեղ բարձրացել, արտակարգ իրավիճակների կառավարման ծառայությունն իջեցրել է շաբաթ օրը։ Նրանց ինքնությունը հայտնի չէ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Կազբեգիի քաղաքապետ Բակուր Ավսանջարիշվիլիի խոսքով՝ լեռնագնացները հնարավոր է զոհվել են եղանակի վատթարացման հետևանքով։
«Սառույցի վրա՝ դեպի գագաթ բարձրանալիս, մեկ այլ լեռնագնաց է գտել մեկի մարմինը, իսկ հետո, ճոպանի ուղղությամբ գնալով՝ մյուսին։ Երկու օր եղանակը վատացել է, և թվում է, որ նրանք այդ ժամանակ են զոհվել։ Երկու օր առաջ նրանց իջեցրել են ուղղաթիռով։ Այն ժամանակ հայտնի չէր, թե որ երկրի քաղաքացիներ են։ Ամենայն հավանականությամբ, նրանք գագաթը բարձրացել են ռուսական կողմից, քանի որ մեր կողմից այդ ժամանակ ոչ ոք չի բարձրացել»,- «Վրաստանի լուրերին» ասել է Կազբեգիի քաղաքապետը։
Ներքին գործերի նախարարությունը դեպքի առթիվ հետաքննություն է սկսել Քրեական օրենսգրքի 116-րդ հոդվածով, որը վերաբերում է անզգուշությամբ կյանքից զրկելուն։
Մղինվարծվերիի (Կազբեկի) բարձրությունը ծովի մակարդակից 5054 մետր է։ Գագաթին բարձրանալու համար պահանջվում է միջինը 7 ժամ։ 3656 մետր բարձրության վրա գտնվում է օդերևութաբանական կայան, այսպես կոչված, Բեթղեհեմի խրճիթը, որն օգտագործվում է նաև լեռնագնացների կողմից որպես բազային ճամբար։ Ռուսական կողմից գագաթ բարձրանալը տևում է մի քանի օր։
