Երեկ Թբիլիսիի Ռուսթավելիի պողոտայում տեղի ունեցած հանրահավաքին ներկա են գտնվել ԵՄ երկրների խորհրդարանների բարձրաստիճան անդամները։ «Մենք Եվրոպա ենք» կարգախոսով հանրահավաքը կազմակերպել էր ընդդիմությունը, որին մասնակցել են հազարավոր մարդիկ։
Լրահոս
Ընթերցողի ընտրանի
- 1 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 ԿԸՀ-ի դիմումի հիման վրա կառավարությունը հոկտեմբերի 25-ը հայտարարել է ոչ աշխատանքային օր
- 6 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
«Ես և իմ գործընկերները շատ ուրախ ենք վերադառնալ Թբիլիսի՝ Եվրոպայի իրական մայրաքաղաք»,- հանրահավաքի մասնակիցներին դիմել է Գերմանիայի Բունդեսթագի արտաքին հարաբերությունների հանձնաժողովի նախագահ Միխայել Ռոթը, նշելով, որ Վրաստանի կառավարությունը քննադատում է նրանց երկրի ներքին գործերում «միջամտության համար»։
«Ձեր պետության նախագահի հետ հանդիպումը միջամտությո՞ւն է։ Քաջ տիկնոջ հետ, ով ձեզ հետ կռվում է Վրաստանի քաջ ու հպարտ ապագայի համար: Ձեզ հետ հանդիպումը միջամտությո՞ւն է։ Հպարտ երկրի քաղաքացիների հետ, ովքեր պայքարում են եվրոպական արժեքների, ժողովրդավարության, արդար ու ազատ ընտրությունների համար։ Սա միջամտություն չէ։ Սա միասնական ապագա է միասնական Եվրոպայում։ Մենք այստեղ ենք ձեզ քաջալերելու, աջակցելու։ Սիրելի ընկերներ, մի հանձնվեք։ Մենք ձեզ հետ ենք, հայտնում ենք մեր համերաշխությունը։ Մենք բոլորս պատմության նույն կողմում ենք եվրոպական ազատության և ռուսական իմպերիալիզմի դեմ պայքարում։ Եթե դուք հաղթեք, մենք կհաղթենք: Եթե դուք փրկվեք, մենք էլ կփրկվենք»,- ասել է Ռոթը։
Հանրահավաքին ելույթ են ունեցել նաև Ֆինլանդիայի խորհրդարանի պաշտպանության հանձնաժողովի նախագահ Յուկա Կոպրան, Շվեդիայի խորհրդարանի Եվրոպական միության հարցերով հանձնաժողովի նախագահ Էրիկ Օտոսսոնը, Լեհաստանի խորհրդարանի արտաքին հարաբերությունների և Եվրոպական միության հարցերի հանձնաժողովի անդամ Միհաու Կամինսկին և Լիտվայի խորհրդարանի փոխխոսնակ և Եվրոպական հարցերի հանձնաժողովի նախագահ Ժիգիմանտաս Պավլիոնիսը։
«Ինչ-որ մեկը փորձում է խլել ձեր ազատությունը, ձեր ժողովրդավարությունը, ձեր երկիրը, ձեր անդամակցությունը Եվրամիությանն ու ՆԱՏՕ-ին։ Պայքարե՛ք ձեր ազատության, ձեր ժողովրդավարության, ձեր երկրի համար։ Պայքարեք ԵՄ-ին և ՆԱՏՕ-ին ձեր անդամակցության համար և հիշեք, որ ԵՄ-ին միանալու Օրբանի ճանապարհ չկա: Չկա ռուսական երազանք, կա եվրոպական երազանք, և դուք այս Եվրոպայի մի մասն եք»,- ասել է Պավիլիոնիսը։
Թբիլիսիում են գտնվում ԵՄ 8 երկրների խորհրդարանականների պատվիրակությունը։ Օրվա ընթացքում նրանք հանդիպել են նախագահ Սալոմե Զուրաբիշվիլիի, ընդդիմության և քաղաքացիական հասարակության ներկայացուցիչների հետ։ Եվրոպացի պատգամավորները ցանկանում էին հանդիպել նաև «Վրացական երազանքի» ներկայացուցիչների հետ խորհրդարանում, սակայն խորհրդարանի նախագահ Շալվա Պապուաշվիլին նրանց մերժել էր։
