Հոկտեմբերի 17-ին Բրյուսելում կայացած Եվրոպական խորհրդի նիստում Եվրամիության ղեկավարներն ընդունել են եզրակացություն, որը վերաբերում է նաև Վրաստանին։
Լրահոս
Հաշմանդամ ակտիվիստը, ում տվյալները ներառվել են գործակալների ռեգիստրում, դատի է տվել արդարադատության նախարարությանը
Եվրախորհրդի կոնգրեսը խորը մտահոգություն է հայտնում Վրաստանում ժողովրդավարության հետընթացի կապակցությամբ
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
Մասնավորապես, Եվրոպական խորհուրդը վերահաստատում է ԵՄ-ի պատրաստակամությունը՝ աջակցելու վրաց ժողովրդին իր եվրոպական ճանապարհին, սակայն, միևնույն ժամանակ, վերահաստատում է իր լուրջ մտահոգությունը Վրաստանի կառավարության կողմից ձեռնարկված գործողությունների վերաբերյալ, որոնք հակասում են արժեքներին և սկզբունքներին, որոնց վրա հիմնված է Եվրամիությունը։
Եվրոպական խորհուրդը կրկնում է, որ «նման գործողությունները սպառնում են Վրաստանի եվրոպական ճանապարհին և դե ֆակտո դադարեցնում են անդամակցության գործընթացը»։ Այն Վրաստանին կոչ է անում իրականացնել ժողովրդավարական, համապարփակ և կայուն բարեփոխումներ՝ եվրոպական ինտեգրման հիմնական սկզբունքներին համապատասխան։
«Եվրոպական խորհուրդը կշարունակի ուշադիր հետևել իրավիճակին»,- ասված է եզրակացության մեջ։
Եվրոպական խորհուրդն ակնկալում է, որ հոկտեմբերի 26-ին կայանալիք խորհրդարանական ընտրությունները կլինեն ազատ և արդար՝ միջազգային չափանիշներին համապատասխան, միջազգային և տեղական դիտորդները անարգել հասանելիություն կունենան։ Միևնույն ժամանակ Եվրոպական խորհուրդն ընդգծում է ազատ և բազմակարծիք լրատվամիջոցների պաշտպանության անհրաժեշտությունը։
Եվրոպական խորհուրդը ևս մեկ անգամ հաստատում է ԵՄ-ի անսասան աջակցությունը Վրաստանի ինքնիշխանությանը, անկախությանը և տարածքային ամբողջականությանը միջազգայնորեն ճանաչված սահմաններում։ Այն ընդգծում է ԵՄ-ի շարունակական նվիրվածությունը հակամարտությունների խաղաղ կարգավորման, չճանաչման և ներգրավվածության քաղաքականությանը: