Formula հեռուստաընկերության հիմնադիրներից ու հաղորդավարներից Միշա Մշվիլդաձեն հարձակման է ենթարկվել։ Մշվիլդաձեի խոսքով՝ դեպքը տեղի է ունեցել Թբիլիսիի կենտրոնում՝ սուպերմարկետի մուտքի մոտ, և հարձակվողը հիշատակել է պատրիարքին։
Լրահոս
Ընթերցողի ընտրանի
- 1 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 2 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 3 Զատուլինը գովաբանում է «Վրացական երազանքի» կառավարությանը «պրագմատիզմի» համար
- 4 Գերագույն դատարանի ցմահ դատավոր Շալվա Թադումաձեն նշանակվել է ներքին գործերի փոխնախարար
- 5 Եթե Իվանիշվիլին իրականացնի դեկտեմբերի 29-ի ծրագիրը, նա պետք է սպասի անհավանական պատասխանի․ Ուիլսոն
- 6 Կավելաշվիլին պնդում է, որ Վրաստանի եվրաինտեգրման գործընթացը շարունակվում է
««Քարֆուրի» մուտքի մոտ անհայտ անձը հարձակվեց ինձ վրա։ Ականջակալներով էի ու երաժշտություն էի լսում, չէի լսել, թե ինչպես է նա ինձ կանչում։ Անցա նրանց կողքով, երկու հոգի կանգնած էին, ուշադիր չեղա։ Ես կասկածում եմ, որ հենց նրանցից մեկը բռնեց ինձ և բռունցքով հարվածեց դեմքիս մուտքի մոտ։ Հետո ես ոտքս խփեցի աստիճաններին ու ընկա, չկարողացա վեր կենալ, իսկ նա փորձեց հարվածել ինձ հետևից։ Սա տևեց մոտ 15-20 վայրկյան։ Լսեցի բղավոց, երբ հանեցի ականջակալներս, պատրիարքի մասին ասաց՝ «Ինչպե՞ս ես հայհոյում պատրիարքին», կամ նման բան»,- ասել է Մշվիլդաձեն, ով դեմքին վնասվածքներ ունի։
Հարձակումը հավանաբար ֆիքսել են սուպերմարկետի մուտքի տեսախցիկները։ Միշա Մշվիլդաձեի խոսքով, իրավապահների արձագանքը եղել է արագ և համարժեք։
«Առայժմ ամեն ինչ լավ է ընթանում, և հուսով եմ, որ այսպես կշարունակվի։ Եթե կասկածի տակ դրվի ոստիկանության ադեկվատությունը, ապա պետք է մեծանա հավանականությունը, որ այդ ամենը նախապես ծրագրված է եղել, և հանցագործները գործել են նախնական խոստումների ու օգնության պայմաններում»,- ասել է Միշա Մշվիլդաձեն։
Այս պահին հայտնի չէ, թե ինչ որակավորումներով է ՆԳՆ-ն սկսել միջադեպի հետաքննությունը։
