Թբիլիսիի քաղաքային դատարանի դատավոր Գիորգի Գելաշվիլին Բիձինա Իվանիշվիլիի բիթքոյնների յուրացման գործով մեղավոր է ճանաչել Համաներդրումների հիմնադրամի նախկին գործադիր տնօրեն Գիորգի Բաչիաշվիլիին և հեռակա կարգով դատապարտել 11 տարվա ազատազրկման։
Լրահոս
Ընթերցողի ընտրանի
- 1 Թրամփի խոսքով՝ հանածոների վերաբերյալ համաձայնագիր ստորագրելու համար փետրվարի 28-ին կհանդիպի Զելենսկիի հետ
- 2 Իռլանդիայից արտաքսվել է Վրաստանի 32 քաղաքացի
- 3 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 4 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 5 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 6 Պուտինը շնորհավորել է Գյունբային օկուպացված Աբխազիայի այսպես կոչված նախագահ ընտրվելու կապակցությամբ
Գիորգի Բաչիաշվիլիին մեղադրանք է առաջադրվել Քրեական օրենսգրքի 182-րդ և 194-րդ հոդվածներով, որոնք ենթադրում են ուրիշի սեփականության իրավունքի ապօրինի յուրացում և անօրինական եկամուտների օրինականացում: Վերոնշյալ հոդվածները նախատեսում են առավելագույնը 12 տարվա ազատազրկում։
Փաստաբանների կարծիքով՝ Գիորգի Բաչիաշվիլին չի օգտվել արդար դատաքննության իրավունքից։
«Նա հենց առաջին նիստում հայտարարեց, որ դատարանի անկախության ու անաչառության հույս չունի [...] Այս գործընթացի նախաձեռնողը Բիձինա Իվանիշվիլին էր, որին ենթակա են պետական իշխանության բոլոր ճյուղերը։ Օգտագործվել են ոչ միայն դատախազությունն ու դատարանը, այլև տարբեր կառույցներ՝ Ազգային բանկը և դատաբժշկական փորձաքննության ազգային բյուրոն։ Գիորգի Բաչիաշվիլին ամիսներ շարունակ պնդում էր, որ այս գործով փորձ է արվել վախեցնելու, լռեցնելու և իր դեմ հաշվեհարդար տեսնելու», - ասել է Գիորգի Բաչիաշվիլիի փաստաբաններից Դավիթ Ջանդիերին։
Գիորգի Բաչիաշվիլին լքել է երկիրը դատավճռի հրապարակումից մի քանի օր առաջ, և նրա գտնվելու վայրը հայտնի չէ։ Այսօրվա նիստում նա միջնորդել է իրեն ընդգրկել հեռակա կարգով և իրավունք ունենալ խոսելու, սակայն դատավորը չի բավարարել այս խնդրանքը։
Փաստաբաններն ասում են, որ դատավոր Գելաշվիլիի որոշումը բողոքարկելու են Վերաքննիչ դատարանում, իսկ անհրաժեշտության դեպքում՝ Մարդու իրավունքների եվրոպական դատարան։
Դատախազությունը Գիորգի Բաչիաշվիլիի նկատմամբ քրեական հետապնդում է սկսել 2023 թվականի հուլիսին՝ հիմնվելով «Վրացական երազանքի» հիմնադիր և պատվավոր նախագահ Բիձինա Իվանիշվիլիի դիմումի վրա։
Գործի նյութերի համաձայն՝ 2015 թվականին Իվանիշվիլին Բաչիաշվիլիի ընկերությունում բիթքոյն մայնինգում 5 մլն դոլար է ներդրել։ Ըստ մեղադրող կողմի, Բաչիաշվիլին հաջորդ երկու տարիների ընթացքում կուտակված կրիպտոարժույթից յուրացրել է Իվանիշվիլիին պատկանող 8253,13 բիթքոյնը, որի արժեքը այն ժամանակ կազմում էր 39 215 820 ԱՄՆ դոլար, ինչպես նաև օրինականացրել է անօրինական եկամուտները։
Գիորգի Բաչիաշվիլին ասել է, որ 5 մլն դոլարն իր ընկերությունը որպես վարկ է վերցրել Բիձինա Իվանիշվիլիից և Քարթու Բանկից և դա չի եղել Իվանիշվիլիի ներդրումը բիթքոյնում։
Գիորգի Բաչիաշվիլիի նկատմամբ 2023 թվականի հուլիսից որպես խափանման միջոց է կիրառվել 2,5 մլն լարիի չափով գրավ։ Բացի այդ, նրան արգելել են երկրից հեռանալ առանց դատախազության համաձայնության, առգրավվել են վրացական ու ռուսական անձնագրերը։
2025 թվականի մարտի 4-ին Գիորգի Բաչիաշվիլին ինքը հայտարարեց, որ լքել է Վրաստանը՝ վկայակոչելով իր դեմ հարուցված «մեկ այլ շինծու» քրեական գործ և Բիձինա Իվանիշվիլիի սպառնալիքները։ Նա չի հստակեցրել, թե ինչպես է հատել սահմանը, սակայն ասել է, որ օգտվել է «համակարգի խորշերից, այդ թվում՝ մարդկանցից»:
Բաչիաշվիլիի երկրից հեռանալուն նախորդել էր փետրվարի 25-ին «Մտկվարի ՀԷԿ-ի» գործով նրա մեղադրանքը։ Այս գործով նույնպես տուժողը Բիձինա Իվանիշվիլին է։ Մասնավորապես, ըստ դատախազության, Գիորգի Բաչիաշվիլին պատշաճ կերպով չի գնահատել ռիսկերը և միջոցներ չի ձեռնարկել սպառնալիքներից խուսափելու համար, ինչի արդյունքում «Մտկվարի ՀԷԿ-ի» կառուցման արժեքը աճել է մոտ 100 մլն դոլարով և վնասվել ներդրողի շահերին։
Ըստ ՆԳՆ-ի՝ Գիորգի Բաչիաշվիլին մարտի 2-ին լքել է պետական սահմանը՝ շրջանցելով սահմանային անցակետը, օգտագործելով հատուկ թաքստոց ավտոմեքենայում, ապա ռուսական անձնագրով անցել Հայաստանի սահմանային անցակետով։
Բաչիաշվիլին այժմ մեղադրվում է նաև սահմանն ապօրինի հատելու մեջ։ Այս գործով ձերբակալվել է Շոթա Քարումիձեն, ով, ըստ դատախազության, օգնել է Գիորգի Բաչիաշվիլիին ապօրինի հատել սահմանը։
