Գիորգի Քաջաիան նշանակվել է Ռուսաստանի հետ հարաբերությունների հարցերով Վրաստանի վարչապետ Իրակլի Կոբախիձեի հատուկ ներկայացուցիչ։ Այս մասին Կոբախիձեն հայտարարել է կառավարության այսօրվա նիստում։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
Վերջին չորս տարիների ընթացքում Գիորգի Քաջաիան եղել է Մոսկվայում՝ Ռուսաստանի Դաշնությունում Շվեյցարիայի դեսպանատան Վրաստանի շահերի բաժնում Վրաստանի արտակարգ և լիազոր դեսպանը։ Նա փոխարինել է Զուրաբ Աբաշիձեին, որը հատուկ ներկայացուցչի պաշտոնը զբաղեցնում էր 2012 թվականի վերջից։
Իրակլի Կոբախիձեն շնորհակալություն է հայտնել Զուրաբ Աբաշիձեին հաջող աշխատանքի համար և ասել, որ նա ինքն է կայացրել պաշտոնը լքելու որոշումը։
«Ինչպես գիտեք, նա երկար տարիներ եղել է վարչապետի հատուկ ներկայացուցիչը Ռուսաստանի հետ հարաբերությունների գծով, ավելի քան 10 տարի նա մեծ հաջողությամբ ծառայել է այս գործին։ Նրա ջանքերի, մասնակցության ու ներգրավվածության շնորհիվ մենք ունեցանք շատ լուրջ ձեռքբերումներ տարբեր ուղղություններով։ Ցանկանում եմ շնորհակալություն հայտնել նրան պետությանը երկար տարիներ ծառայելու համար և հաջողություն մաղթել նոր պաշտոնում»,- ասել է Կոբախիձեն։
Զուրաբ Աբաշիձեն այսուհետ կլինի վարչապետի խորհրդականը։ Նա հաստատել է, որ մի քանի ամիս առաջ դիմել է կառավարության այն ժամանակվա ղեկավար Իրակլի Ղարիբաշվիլիին՝ հատուկ ներկայացուցչի պաշտոնը լքելու խնդրանքով։ «Տրամաբանությունը շատ պարզ է. 2012 թվականից անցել է 12 տարի, ամեն ինչ ունի սկիզբ և վերջ»,- նշել է Աբաշիձեն։
Զուրաբ Աբաշիձեն 12 տարի Ժնևում Վրաստանի և Ռուսաստանի միջև միջազգային բանակցություններում ներկայացրել է Վրաստանը։
