Qiorqi Kajaia Gürcüstanın baş naziri İrakli Kobaxidzenin Rusiya ilə münasibətlər üzrə xüsusi nümayəndəsi təyin edilib. Bu barədə Kobaxidze hökumətin bugünkü iclasında bildirib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
Son dörd il ərzində Qiorqi Kajaia Moskvada İsveçrənin Rusiya Federasiyasındakı səfirliyində Gürcüstanın maraqları bölməsində fövqəladə və səlahiyyətli nümayəndə olub. O, 2012-ci ilin sonundan xüsusi nümayəndə vəzifəsini tutan Zurab Abaşidzeni əvəzləyib.
İrakli Kobaxidze Zurab Abaşidzeyə uğurlu fəaliyyətinə görə təşəkkür edib və bildirib ki, vəzifəsindən getməyə özü qərar verib.
“Bildiyiniz kimi, o, uzun illər baş nazirin Rusiya ilə münasibətlər üzrə xüsusi nümayəndəsi olub, 10 ildən artıqdır ki, bu vəzifədə böyük uğurla xidmət edib. Onun zəhməti və iştirakı sayəsində müxtəlif istiqamətlərdə çox ciddi nailiyyətlərimiz olub. Mən ona uzun illər dövlətə xidmətinə görə təşəkkür etmək istəyirəm və ona yeni vəzifəsində uğurlar arzulayıram”, - deyə Kobaxidze bildirib.
Bundan sonra Zurab Abaşidze baş nazirin müşaviri olacaq. O, təsdiqləyib ki, keçmiş hökumət başçısı İrakli Ğaribaşviliyə özü də bir neçə ay əvvəl xüsusi nümayəndə postundan getməklə bağlı müraciət edib. “Məntiq çox sadə idi: 2012-ci ildən 12 il keçib, hər şeyin başlanğıcı və sonu var”, - Abaşidze qeyd edib.
Zurab Abaşidze 12 il ərzində Gürcüstan və Rusiya arasında Cenevrədə keçirilən beynəlxalq danışıqlarda Gürcüstanı təmsil edib.