Վրաստանի Պետական անվտանգության ծառայության ղեկավար Գրիգոլ Լիլուաշվիլին պարզաբանել է, թե ինչ է նշանակում «գլոբալ պատերազմի կուսակցություն» տերմինը։ Խորհրդարանում ելույթից հետո նա լրագրողներին ասել է, որ խոսքը քաղաքական սուբյեկտների մասին է, որոնց հռետորաբանությունը նախատեսում է լարվածության օջախների առաջացում և երկրորդ ճակատի ստեղծում։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Իմ կարծիքով՝ սա մեկնաբանությունների հարց է։ Կուսակցությունը կարող է նույնիսկ ֆիզիկապես գրանցված չլինել։ «Գլոբալ պատերազմի կուսակցությունը» ստեղծվել է քաղաքական տերմինից ելնելով։ Հավանաբար սա ներառում է բոլոր այն քաղաքական սուբյեկտները, որոնց հռետորաբանությունը նախատեսում է լարվածության օջախների առաջացում, երկրորդ ճակատի բացում։ Նման վնասաբեր հայտարարություններ մենք տեսել ենք թե՛ անցյալ, թե՛ այս տարի։ Երևի սրանց համակցությունն է, այս կուսակցությունն աշխարհագրություն չունի։
Եթե նայեք հեռուստատեսային արխիվները, հեշտությամբ կարող եք գտնել մեր ռեպորտաժը անուն-ազգանունների մասին, գործողությունները գրված են, դա ընթերցողի միտքը լարելու գործոն է, և դուք անպայման ինքներդ կպարզեք անուններն ու ազգանունները: Գործընկերների ներկայացուցիչները չեն... դրանք կոնկրետ քաղաքական անձինք են, շահագրգիռ խմբեր են, որոնք քաղաքական հողի վրա միմյանց հանցակից են։ Հետաքննվելու է բոլոր այն դերակատարների դերն ու մասնակցությունը, ովքեր շահագրգռված են խաթարել ճիշտ ուղու վրա կանգնած հանգստացած, խաղաղ երկիրը»,- ասել է Լիլուաշվիլին։
Հարցին, թե ով է հիբրիդային պատերազմ վարում, որի մասին հաճախ են հայտարարություններ արվել, բայց հանրությանը հայտնի չէ, թե ով է կանգնած դրա հետևում, Գրիգոլ Լիլուաշվիլին պատասխանել է, որ նշված հարցի քննարկումն ընթանում է փակ ձևաչափով և ներկա պատգամավորները հասկացան, թե ինչ ուժերի մասին է խոսքը։
Գրիգոլ Լիլուաշվիլին խորհրդարանին է ներկայացրել Վրաստանի պետական անվտանգության ծառայության 2023 թվականի գործունեության հաշվետվությունը։ Նրա խոսքով՝ Ուկրաինայում ընթացող ռազմական գործողությունները լուրջ բացասական ազդեցություն են ունեցել Վրաստանի անվտանգության միջավայրի վրա, հատկապես այն իրավիճակում, երբ երկիրը գտնվում է օկուպացիայի տակ և մշտապես ճնշման է ենթարկվում այսպես կոչված հիբրիդային պատերազմի գործիքների օգտագործմամբ։ Լիլուաշվիլին ընդգծել է, որ «նշված մարտահրավերների ֆոնին անցյալ տարի լրացուցիչ տեղի ունեցան ներքին և արտաքին տարբեր գործոններ՝ փորձելով սրել քաղաքական իրավիճակը Վրաստանում և հող նախապատրաստել բռնի իշխանափոխության և ռեսուրսների մոբիլիզացման համար»։ Անվտանգության ծառայության ղեկավարի խոսքով՝ ձեռնարկվել են բոլոր անհրաժեշտ միջոցները, որոնցով հաջողվել է կանխել և չեզոքացնել երկրի ազգային շահերը վնասող միջոցառումները։
