«Չորս օրից դուք հնարավորություն կունենաք գնալ ու ընտրել ձեր հաջորդ կառավարությունը։ Ընտրությունները ժողովրդավարության տոն են, օր, երբ ձեզնից յուրաքանչյուրը կարող է որոշել իր և իր երեխաների ապագան։ Խնդրում եմ գնացեք, խնդրում եմ քվեարկեք և ընտրեք այնպիսի կառավարություն, որը կներկայացնի ձեր ցանկությունները, ձեր ձգտումները»,- ասել է Վրաստանում Եվրամիության դեսպան Պավել Հերչինսկին։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Դիվանագետն անդրադարձել է կիրակի օրը անցկացված «Վրաստանն ընտրում է Եվրամիությունը» ակցիային և նշել, որ Թբիլիսիի փողոցներում տեսել է չափազանց շատ Եվրամիության դրոշներ։
«Հպարտության օր էր, երջանկության օր։ Ես տեսա շատ մարդկանց, շատ երիտասարդների։ Երիտասարդները, ձեր երեխաները՝ նրանք արժանի են ավելի լավ ապագայի, նրանք արժանի են հնարավորություններ ունենալու այստեղ՝ Վրաստանում, նրանք չպետք է ավելի լավ կյանք փնտրեն այլ տեղ։ Նրանք պետք է հնարավորություն ունենան մնալու, ապրելու, աշխատելու իրենց գեղեցիկ Վրաստանում»,- ասել է Հերչինսկին։
Նրա խոսքով՝ Վրաստանի և Եվրամիության հարաբերությունները գտնվում են պատմական նվազագույնի վրա, և Վրաստանի եվրաինտեգրման գործընթացը դադարեցված է, ինչը Վրաստանի կառավարության գործողությունների արդյունքն է։
«Ինձ համար՝ որպես Եվրամիության դեսպան, շատ ցավալի է տեսնել, որ այլ երկրները առաջ են շարժվում Եվրամիությանն ինտեգրվելու առումով, իսկ Վրաստանը, մերձենալու փոխարեն, հեռանում է Եվրամիությունից։ Տեսեք, թե ինչ է տեղի ունեցել Մոլդովայում։ Մարդիկ քվեարկել են ԵՄ անդամակցության շուրջ անցկացվող հանրաքվեին, բայց յուրաքանչյուր ձայն կարևոր է։ Ակտիվությունը շատ ցածր էր։ Ուրեմն գնացեք քվեարկեք, քվեարկեք ձեր ապագայի և ձեր երեխաների ապագայի համար։ Եվրամիությունը հսկայական հաջողության պատմություն է, դա խաղաղության նախագիծ է, դա զարգացման երաշխիք է, դա արժանապատիվ կյանքի երաշխիք է, ոչ թե մի քանի հարուստների կյանք։ Սա մի քանի հարուստների համար շքեղ լիմուզին չէ, սա արժանապատիվ կյանք է բոլորի համար: Բայց դա ձեր ձեռքերում է: Եվրամիությունը բարձր ու հստակ հայտարարեց, որ անցած դեկտեմբերին մենք որոշում ենք կայացրել բացել դուռը Վրաստանի համար, մենք սպասում ենք ձեզ, բայց դուք պետք է անցնեք այս դռնով, ոչ ոք չի կարող դա անել ձեր փոխարեն։ Սա ձեր ընտրությունն է»,- ասել է Պավել Հերչինսկին։
Խորհրդարանական ընտրությունները տեղի կունենան շաբաթ օրը՝ հոկտեմբերի 26-ին։ Ընտրողները համամասնական ընտրակարգով չորս տարի ժամկետով կընտրեն Վրաստանի խորհրդարանի 150 պատգամավորի։ Խորհրդարան մտնելու համար քաղաքական միավորումը պետք է հաղթահարի 5 տոկոսի շեմը։